اسكربت كامل بقلم ايمان صالح
عليه وسلم كان عايش في قلب الكفار و بيحاربهم عشان نتولد مسلمين و ناخده قدوه نهتدي به و تقوليلي زينا !
مش هنكر ان كلامه هداني شويه و قفلت معاه الوتس بس بردوا لما قابلت منه و الشله زعلت عشان كل واحد مع اللي بيحبه وانا لا خطيبي بيقول قال الله و قال رسول
ادهم زي ما هو بيتبع الضوابط اللي هو عملها بس الموضوع مش عجبني يمكن اصحابي مش كده ف انا مش عايزه ضوابط خطوبه مش عايزه تحكمات انه يمنعني عن اصحابي البنات و الولاد!
قعد شويه يبعتلي عن اللبس و الحجاب و بردوا مش مقتنعه لقيته في يوم جاي وطبعا ماما قاعده معانا ولقيته بيمد أيده بشنطه ابتسمت و قولت جايب حاجه حلوه ليا فتحتها و لقيتها دريس و خمار و نقاب !
بصتله پغضب _لا مش عايزه الهديه دي خدها
_لي يعني مالها بصي يا امي شوفيها
_ماشاء الله يبني جميله مالها يا شهد
_انا مش عايزه تحكم مش عايزه البس زي ما هو عايز مش عايزه البس كده
_طيب انتي عايزه اي يا شهد !
_عايزه افسخ الخطوبه دي انا اتخنقت
_يعني اي
_زي ما سمعت يعني يا تمشي زي ما انا عايزه يا لا
_يبقي لا
مشي پغضب و طبعا ماما زعقتلي و اتخنقت معايا خدت الشبكه و
رجعتهاله و خدها بس حسيت بحزن
في عيونه للحظه و نزل رأسه بسرعه وانا كنت ماشيه زعلانه بس بردوا انا بحبه بس مش هغير حياتي انا بقيت بصلي بس ده كفايه اوي لحد كده مش هغير نمط حياتي
رجعت ل شلتي تاني و قابلت طارق زميلي
_شهد انا كنت عايز اقولك حاجه
_قول يا طارق
_انا بحبك يا شهد و من زمان
_اي
_انا بحبك و عايز اتقدملك
_انت عارف يا طارق انا لسه فاسخه خطوبتي و محتاجه وقت
_اكيد هسيبك زي ما انتي عايزه
_ماشي يا طارق
_هستناكي في الحفله بتاعتنا بليل
_اوكي
مشيت وانا بفكر طارق صاحبنا في الشله من زمان تعليم عالي وابن ناس كده و مرح و ظريف غير ادهم تماما
ايمان_صالح
بعدها الدنيا لفت بيا تماما اصوات كتير و دوشه محستش بحاجه غير لما فتحت عيوني و لقيت نفسي في مكان غريب بصيت پخوف علي نفسي لقيتني زي ما نا بصيت لقيت طارق قرب مني
_انا
