أسماء جلال تكشف عن رد فعل وائل جسار بعد أن طلبته للزواج ولماذا رفضها حبيبها الأول

تحدثت الفنانة أسماء جلال عن حياتها الشخصية، موضحة أنها استمرت لعدة سنوات تحب شخصاً، لكن من طرف واحد، ولم تكلل قصة الحب بالنجاح، وذلك وفق بيان رسمي للبرنامج.

أضافت أسماء خلال حوارها في برنامج "معكم منى الشاذلي" على قناة on أن هذا الشخص رفضها بإرادته، قائلةً: "وأنا صغيرة حبيت شخص ما من طرف واحد.. قعدت سنين كتير أوي بحبه بس هو مش عاوزني بإرادته"، ثم أضافت ضاحكةً: "أموت وأعرف هو فين دلوقت".

على صعيد آخر، كشفت أسماء جلال عن حبها الشديد للمطرب وائل جسار منذ صغرها، قائلةً: "بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها".

الفنانة أسماء جلال

تابعت: "بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه.. وكنت ألبس فستان حتى لو الناس حواليا لابسة عادي عشان يشوفني..  .. فمش فاهمة أنا كنت بعمل ايه".