الزوجة

بعد الفرح ما انتهى وروحنا على شقتنا واتقفل علينا الباب جوزى بصلى وقال 
___متقلعيش هدومك انا مش هلمسك!!
ضحكت إفتكرت محمد جوزى بيهزر قلت اكيد مش هغير هدومى قدامك !! 
___انا هدخل أوضة النوم ومن فضلك متدخلش غير لما اندهلك
انت مش بتفهمى بقلك مش هلمسك مش هينفع المسک
نبرة محمد كانت قاسيه اوى كان واضح انه بيتكلم بجد فكرت ان نفسيته تعبانه ومحتاج وقت عشان يتعود 

قلت !! ولا يهمك حبيبيى انا هدخل انام والايام جايه كتير
بصلى محمد بسخريه ونظرة حزن وقلة حيله لا يوم ولا عشره بقلك مش هلمسك ابدآ
مقدرتش افهم هو بيعمل ليه كده محبتش اول يوم جواز ليه يبداء بخڼاقه 
براحتك انا هدخل انام عايز حاجه
متشكر رد محمد من غير ما يبص عليه وحسيت انه حزين
دخلت اوضتى غيرتى هدومى حاولت انام معرفتش توقعت محمد يدخل ينام جنبى وفضلت سهرانه وقت طويل
القصه بقلم اسماعيل موسى 
لكن محمد مدخلش الاوضه اتسحبت على أطراف صوابعى وبصيت عليه لقيته نايم على الكنبه فى الصاله
صحيح فترة خطوبتنا كانت صغيره لأن محمد كان مستعجل بس انا مشفتش منه حاجه وحشه
مشيت بشويش لحد ما وصلت عنده شلت الغطا ونمت فى حضنه يدوبك محمد حس بيا وقام مزعور ومخضوض وپيصرخ وبعدنى عنه
انت عملتى ايه قلتلك مش هقدر المسک ليه عملتى كده ليه 
هعمل ايه دلوقتى بس يا ربى
محمد جوزى كان مړعوپ جدا كأن فيه مصېبه حصلت وشه اصفر الډم رحل منه
فيه ايه محمد ليه بتعمل كده
بحزن محمد قال... انتى مش ملكى انا اجوزتك عشان شخص تانى .
انتى مش ملكى يا مروه ان اتجوزتك عشان شخص تانى !!
قلبى وقع فى رجليه وحطيتى ايدى على صدرى بتقول ايه يا محمد
محمد جوزى بص عليه بطرف عينه والارتباك واضح عليه وقال انا. متلخبط جدا انا مش عارف قولت كده ازاى
وقعد على الكنبه وحط دماغه وسط ايديه انا اسف يا مروه يا حبيبتى اعصابى متوتره مش عارف قلت كده ازاى!
بلعت ريقى بصعوبه إلى سمعته من محمد كان هيخلينى أفقد الوعى
قلتله يعنى كلامك ده كان من لخبطتك بس
محمد قال طبعا يا حبيبتى انا اسف انا ممكن ابوس رجلك عشان تسمحينى
قلتله محصلش حاجه خلاص انا مراتك مش حد غريب طالما أعصابك تعبانه كنت صارحنى لكن كلامك ده مش طبيعى انا كان هيغمى عليه
محمد قال بنبره فيها ضعف انا بترجاكى تصبرى عليه شويه لحد ما نفسيتى ترتاح واعصابى تهدى
قلتله متقلش كده انا مراتك على الحلوه والمره ومهما الوقت طال انا معاك
محمد حاول يصالحنى دخل المطبخ عمل عصير بنفسه بعد ما شربناه وتأكد انى صالحته
قال معهلش انا مش هقدر انام فى أوضة النوم دلوقتى كام يوم كده لحد ما ارجع لطبيتعى
قلتله مفيش مشكله نام مطرح ما يعجبك.
دخلت غرفتى وانا بحمد ربنا ان الكلام إلى سمعته من محمد كان مجرد تعب أعصاب وتخاريف لأنها كانت هتبقى مصېبه
جوه الاوضه قعدت شويه مش جايلى نوم اكتر من ساعه والنور مطفى
بعد ساعه سمعت حركه فى الصاله قلت يمكن محمد مش جايله نوم أو دخل المطبخ يشرب او ياكل
لكن محمد مشى ناحيت غرفتى فتح الباب بشويش وهمس مروه انتى نمتى
مردتش عليه لانى كنت بنام اصلا
مفيش خمس دقايق وسمعت محمد بيتكلم فى التليفون
محمد ملوش أصدقاءومقطوع من شجره يعنى لا هيكلم والدته ولا حتى اخته
اندهشت بيكلم مين بعد نص الليل خاصه ان الصوت كان واطى لكن الصمت خلى الصوت يوصلى عندى وانا واقفه ورا الباب
محمد __ايوه فاتحتها فى الموضوع كانت مصدومه لا مش دلوقتى هستنى شويه
يوم كده ولا يومين لازم يكون فيه تمهيد الموضوع مش سهل
لا ملمستهاش مقدرش طبعا انا مش ناسى الاتفاق 
والله ابدا اطمن انا نايم بعيد عنها فى الصاله وهى نايمه فى أوضة النوم
عارف عارف عارف انها ملكك ايوه فاهم فاهم انا اديتك كلمتى هى ملكك وهتكون ليك ومش ھلمسها ولا حتى اشوف جسمها
مبقتش قادره أقف على بعضى رجليه بترتعش مش قادره تشيلنى
جسمى كله بينقح عليه دوخت واترمېت على السرير
إلى بيقولو محمد جوزى ملوش غير معنى واحد انه مش راجل وانه عايز يبعنى لشخص تانى
وقعدت ادور على حلول لحد عقلى ما صورلى انه بيتكلم على واحده تانيه غيرى عقلى مقدرش يستوعب فكرة ان جوزى اتجوزنى عشان شخص تانى
وقعدت اندب انا لسه عروسه يا ربى هسيب البيت فى اول ليله الناس هتقول عليه ايه
والدى ووالدتى ناس كبيره فى السن جدا ومرضى مش هيستحملو صدمة ان ارجعلهم بفستان الفرح
قعدت اضرب فى السرير بايدى إلى انا سمعته ده كدب تخيلات
انا هنام وهصحى من النوم الاقى حاجه تانيه
لما صحيت من النوم دموعى كانت ناشفه على خدى حاولت اكون طبيعيه محمد كان نايم على الكنبه
قربت منه قعدت ابص عليه بغل مده كبيره لحد ما حس بيا
بوست محمد جوزى على خده قلتله صباح الخير يا حبيبى!!
محمد قام مزعور جسمه كله اتنفض
قال صباح الخير يا مروه بعد جسمه عنى
انا هحضر الفطار يا حبيبى على بال ما تاخد حمام
محمد قال ماشى
جهزت الفطار وقعدنا ناكل محمد بداء الكلام انا بعتذر مره تانيه عن إلى حصل منى امبارح
وبصلى بنظره مختلفه
نظرة زوج راغب فى زوجته وعايزها كان بيتأمل جسمى بشبق
وحسيت انه متغير عن امبارح خالص لحد انى كنت مستعده انسى كل الكلام إلى سمعته فى التليفون
قمت بدلع وقلتله انا هنضف الأطباق وادخل أوضة النوم
محمد قال وانا مضطر اخرج يا حبيبتى مش هتأخر ورايا مشوار مهم وهرجع بسرعه وباسنى على خدى وغمز بعينه 
دماغى قعدت ټضرب تعدل الوضع كله على بعضه غريب قلت هستنى محمد لما يرجع وافاتحه فى الكلام إلى سمعته امبارح واطلب منه تفسير
محمد متأخرش يدوبك ربع ساعه كأنه كان بيقابل حد تحت العماره مش فى مكان بعيد
كان راجع متوتر وجسمه كله عرق اول ما شافنى قال انا هاخد حمام جسمى كله ملزق
انتهزت الفرصه ومسكت تليفون محمد وقعدت افتش فى سجل المكالمات
خاصه الساعه إلى كان بيتكلم فيها امبارح مكنش فيه مكالمات صادره ولا وارده
او كان مسحها مش عارفه
يدوبك محمد خرج من الحمام والتليفون بتاعه رن محمد مستناش يلبس هدومه ومشى بسرعه ناحيت التليفون خد التليفون من على الكنبه وبص فى الرقم وبص عليه ووشه اصفر
وقال مكالمه من الشغل يا روحى مضطر ارد عليها
محمد مشى على أوضة النوم وقفل الباب وراه قلبى مكنش مطمن اصلا بسرعه وقفت ورا الباب
لازم اعرف ايه بيحصل ومحمد بيكلم مين
قصه بقلم اسماعيل موسى
فى مكالمة التليفون
محمد _____ ايوه وصلت ممممم اه حاضر هكلمها هيحصل ايه يعنى
لا معتقدش دول مسنين مش بيقدرو يغادرو الشقه
رأيك كده
بس كده صعب اوى
حاضر
حاضر
مممم فاهم مش هينفع انا لسه راجع من بره حالا
خليها بكره اه
بص وهمس محمد بصوت واطى جدا انا هخرج من الشقه الساعه عشره الصبح وهسيبهالك هنا ومش هرجع غير لما تتصل بيا او اشوفك خارج
هستنى فى القهوه تحت البيت
محمد بخو ف وصوته رجع تانى هى هتوافق
انا هخليها توافق متقلقش 
قلتلك هى ملكك
انهى محمد المكالمه انا طرت على الكنبه