أسرار الفنانة هالة صدقي

الملكة صفصف، أصبح اسم الشهرة الذي عرفت به النجمة هالة صدقي بعد ما قدمت اجمل ادوارها في مسلسل جعفر العمدة مع محمد رمضان في رمضان الماضي ، رغم انها ممثلة تقيلة وقديمة إلا انها كان واحد من اجمل أدوارها

هالة صدقي حياتها مليانة أسرار وتفاصيل ومواقف كتير تخليك تفكر هي ازاي قدرت تتحمل كل ده ؟ ، بدءا من طفولتها لحد ما اتجوزت وخلفت، تعالوا احكيلكوا شوية عن حياة هالة صدقي اللي اتشقلبت بسبب العمل اللي اتعملها هي وعيلتها..

هالة بطبيعتها پتخاف من الحسد جدا وده معروف عنها ، وحكت قصة مرعبة اتعرضت ليها هي واسرتها ، وقالت ان كان في عمل معمول لأهلها وهي كمان ، وانها تكون حياتها متلخبطة ومش مستقرة ، وكمان يحصل تفرقة ، وقالت انهم فعلا اتفرقوا ويمكن ده كان السبب.

مش كل الناس بتصدق في الاعمال لكن محدش يقدر ينكر ان الشړ ده موجود ، واللي حصل مع هالة صدقي غريب خاصة وان حياتها فعلا كانت ملخبطة واتجوزت مرتين واطلقت ولما خلفت حصلتها مشكلة صحية كبيرة ، ولخبطة كتير اوي في حياتها وقالت ان جايز ده يكون بسبب قصة العمل.

وفي مرة هالة صدقي حكت قصة تانية عن الأعمال، وقالت ان هي عندها بيت تاني محدش يعرفه ومحدش ډخله ألا ناس قليلة جدا، واتفاجئت ان في حد قالها انها معمولها عمل ومرمي في البيت ده اللي محدش يعرف عنه حاجة 

وقالت ان في حد وصفلها البيت ده من غير مايشوفه واكدلها انها معمولها فيه عمل ، وهي بقت حاسة بكدا وقالت :حصلي حاجات كتير مش طبيعية ورا بعض وحاجات مش منطقية خالص ومش عارفة سببها ، لكن محاولتش اسعى افك العمل ده

هالة صدقي منجرفتش ورا الافكار دي ، واكتفت بانها تصلي وتحسن علاقتها بربنا وقالت ان القرب ده هو اللي بيحميني لكن مش بمشي ورا العمل عشان افكه.

هالة صدقي اتجوزت مرتين ، اول مرة كانت في اواخر التسعينات ، واتجوزت رجل الاعمال مجدي ويليام ، لكن بعد شهور قليلة مكنتش قادرة تكمل معاه ومكنتش عارفة تطلق لأنها على الملة الأرثوذكسية ، واضطرت انها تغير ملتها الى السيريانية عشان تعرف تنفصل عنه.

وبعدين في 2007 اتجوزت المحامي سامح زكريا ، وكانت وقتها دخلت في الاربعينات ، لكنها النصيب ان ربنا يعوضها عن حياتها وجوازتها الاولى ، وخلفت منه توأم هما مريم ويوسف.

لكن بعد ما خلفت هالة صدقي التوأم، كانت خاېفة من فكرة التربية ومواجهة الطفلين وكانت بتتهرب منهم ، ودخلت في حالة اكتئاب ، وفي يوم السبوع عملت حفلة صغيرة في بيتها واتفاجئت بنممثلين كتير جدا جم يباركولها لكن فجأة جالها شلل في نص وشها ، والسبوع باظ وفضلوا يكلمولي الدكاترة واكتشفوا بعد كدا انه العصب السابع لحد ما تعالجت منه.

لكن للأسف قصة الحب دي مكملتش ، وحصلت بينهم مشاكل كبيرة جدا لدرجة انهم رفعوا على بعض قضايا، واتهمها جوزها بأنها اجرت بويضات عشان تخلف التوأم وكمان أنكر نسب ولاده ، وهي رفعت عليه قضية تشهير ، وفضلوا مجرجرين بعض في المحاكم تقريبا لمدة 8 سنين لحد ما اتحكم لها بالطلاق نهائياً.

ولما وصلها خبر الحكم بطلاقها ، نشرت فيديو وهي بتعمل شعرها و بتصقف وتزغرط من فرحتها بالطلاق اخيرا بعد كل القضايا اللي بهدلوا بعض فيها

حياة ملخبطة ومليانة مواقف صعبة على اي ست ،، لكن دي مش ست عادية دي الملكة صفصف.