رواية شوق بقلم أسماء عبد الهادي

نطمن عليها ولما رجعت لقيت الدادة مغمى عليها وجنبها كوباية عصير تقريبا كدا ميار حطت لها المنوم بتاعها ف العصير او الدادة شربت علاج ميار بالغلط معرفش ولما فوقتها ودخلنا اوضة ميار ملقنهاش قلبنا عليها الفيلا كلها ملهاش أثر

يا سلام وهل انا المفروض أصدق كل التخاريف اللي قولتيها دي

خالد انت لو مش مصدقني ممكن تسأل الدادة صح يا دادة

لتهز الدادة رأسها وهي تبكي 

فتقول فداء

حتى اسأل السكيورتي يقولك اني كنت خارجة مع سامية ولما لقيتها تعبانة طلبت منها تروح وجيت أنا

انطلق خالد نحو الأمن يسألهم هل رأوا احد يخرج من هنا فأجابوا أنهم لم يروا أحدا سوى فداء وسامية تخرجان فقط 

صاح خالد پجنون 

يعني ايه... ازاي ميار خرجت من هنا ومحدش شافها ازاي هي فص ملح وداب انتوا بتهرجوا ولا انتم كلكم متفقين عليا وعايزين تجننوني

يا خالد بيه محدش خرج من الفيلا

ليركض خالد للداخل مرة أخرى وهو يقول بانفعال

ميار أنا متأكد انها مخرجتش أكيد موجود في مكان ما هنا دوروا عليها كويس في كل شبر في الفيلا دوروا انتوا وافقين متصنمين ليه كدا

هتفت فداء بحذر 

خالد احنا مسبناش مكان مدورناش فيه

أمسكها خالد مرة أخرى من ذراعها وقال بحدة

ولما دا حصل محدش بلغني ليه واقفين ليه كدا ولا كأن حاجة حصلت ليه اتكلمي يا دادة ساكتة ليه دي ميار حبيبتك اللي اختفت عارفة يعني ايه ميار

لتهتف فداء

احنا من الصدمة عقلنا اتبرجل مش عارفين نعمل ايه ولا نتصرف ازاي

هز خالد رأسه برفض ما تقوله وتوجه يبحث عن أخته في كل شبر في الفيلا صغيرا كان أو كبيرا

كان كمن أصابه مس من الجنون يبحث وكأنما اختل عقله وفقد صوابه ففي كل مكان يبحث فيه عن أخته ولا يجدها يشعر كأنما قلبه يسقط في وداي عميق

ليصيح بعدها بحدة وۏجع 

لاااااااا ميااااااار انتي فيييييييييييين

ومن ثم يخرج لخارج الفيلا ويحاول البحث عنها بالخارج بعدما أمر رجاله بالبحث عنها أيضا بعدما أراهم صورة لها.

هوت الدادة على الأريكة بحزن وهي تقول 

اللي بتعمليه ده غلط يا فداء وهيتقلب فوق راسنا كلنا شايفة خالد عامل ازاي ده هيجراله حاجة بالشكل ده

جلست فداء جوار الدادة

لازم يحس بغلطة على اللي بيعمله في أخته يا دادة وان هروبها من البيت ده رد فعل طبيعي عن حپسها فى اوضتها

لتهتف الدادة في نفسها بوجل

انتي مش فاهمة حاجة يا فداء مش فاهمة حاجة أنا لازم أكلم شوق أو أروح لها

نهضت من مكانها وجمعت كل أدوية ميار وعادت مرة أخرى 

أنا رايحة لميار البنت مش هتقدر تقعد من غيري

حاولت فداء منعها

استنى بس يا دادة تروحي فين ميار كويسة انا لسه مكلماها

لا قلبي مش هيطمن الا لما اشوفها 

انتي لو روحتى ميار مش هتسيبك وكدا هتخلي الخطة تفشل

طب العلاج ده لازم ميار تأخده.

هكلم شوق تبعت أي حد وتأخده من الصيدلية اللي هنسيبه ليها هناك اهدي بقا ارجوكي هما يومين ونعمل اننا لقينا ميار وينتهي كل ده بس الاكيد ان بعدها خالد مش هيقدر يحبس ميار تاني.

جلست الدادة مكانها متوجسة خيفة.

انقضى اليوم على كل من مهند وخالد ثقيلا موجعا جدا مهند قلبه يتآكل من إحساسه بالذنب تجاه ميار ويحبس نفسه في غرفته ولا يدري ماذا يفعل ليصلح ذلك الخطأ الذي اقترفه

أما خالد فلم يعد للبيت أبدا وإنما ظل يبحث عن أخته في كل مكان وعقله كاد يخرج من مكانه من فرط خوفه عليها ولم يعد للفيلا قط وانما كان يتصل بفداء او الدادة ليستعلم عل عادت ميار أم لا

أما شوق فلقد استعانت بأمير ليحضر لها دواء ميار من الصيدلية دون أن تخبره أي شىء

قضت ميار أوقات طيبة مع شوق بدأت فيها شوق تعلمها أشياء عن الحياة لم تكن ميار تدركها من قبل بسبب انعزالها عن العالم.

قررت شوق أن تصعد لمهند لتطرق على الحديد وهو ساخن عل كلامها يؤتي ثماره معها وتكون تلك بداية تغيره للأفضل لكن كان مشكلتها كيف تترك ميار وحدها بالغرفة لذا فكرت فى الاستعانة بآيات لتساعدها على الاهتمام بميار 

اتصلت بها في اليوم التالي

بت يا أيات أني محتاجاكي امعاي النهاردة ضروري تعاليلي بعد الجامعة الفيلا

لاه با أبلة أني مهقدرش أجي عنديكي تاني ما انتي عارفة اللي حصل

يا بت مش هيتكرر تاني اللي عمله بصي أول ما توصلي الفيلا كلميني وأنا هطلع أجيبك بنفسي

حاضر يا أبلة شوق

استغلت شوق عدم وجود أحدا في الفيلا فلقد خرج مهند يحتسي المسكرات وما أدمنه عله ينسى أخرجت شوق ميار من غرفتها وقررت قضاء بعض الوقت في البول بالحديقة الخلفية وطلبت من العم سيد أن يعلمها إن وصل أحدهم

جلستا على طرف حمام السباحة ودلدت شوق أرجلها في الماء بعد أن كشفت عن ساقيها وطلبت من ميار فعلها فكانت ميار سعيدة جدا بذلك.

ولما انتهيت أو شعرت بأن ميار ليست على ما يرام أعادتها مرة أخرى إلى غرفتها وأعطتها دواءها لتهدىء وهي تتنهد بحزن على حالتها الغريبة والغير مفهومة فتارة تجد ميار فتاة طبيعية تماما وتارة أخرى ينقلب حالها ولا تدري ما بها 

البنت محتاجة تتعالج كويس ميار فيها حاجة مش طبيعية وأكيد اللي عمل فيها اكده الحسبة ولا حول ولا قوة الا بالله هو كله بيتصرف بغباء ليه ومحدش بيراعي نفسية غيره ليه لا الأب مع أولاده ولا الأخوات مع أخواتها ولا حول ولاقوة الا بالله بقينا في غابة كله بينهش في كله من غير رحمة.

وصلت آيات إلى الفيلا ووقفت أمامها لتتصل بشوق ليتزامن ذلك مع عودة عساف هو الآخر فالحظ يبدو أنه لا يريد ترك آيات وشأنها 

فما ان رآها حتى اقترب منها بسيارته ومن ثم فتح باب السيارة ليقول بضيق 

 انتي تاني! 

تجاهلته آيات واتصلت بشوق التي أخبرتها أنها ستخرج إليها في الحال

ليترجل عساف من السيارة بإنزعاج 

انتي أنا مش بكلمك

واني مش بتكلم مع رجالة غريبة ثم اني مش في بيتكم فانت عايز مني ايه دلوك 

وانتي مالك بتتكلمي معايا ليه كدا مالك شايفة نفسك على إيه 

استغفر الله العظيم يارب في ايه يا

أخينا أني جيت يمتك بعد عني الله يخليك

ضحك عساف وقال ساخرا

بعد عني الله يخليك ليه كنت ماسك فيكي ولا ھموت عليكي إيه الأشكال دي ع الصبح

نفخت آيات في نفسها

ايه الواد ديه تعالي بقا يا أبلة وخلصيني منيه

حاولت آيات الابتعاد عنه لتقف بعيدا في مكان آخر لكن على ما يبدو أن عساف بدأ يضعها في رأسه وينوي إزعاجها أكثر.

في ذلك الوقت عاد أمير من جامعته فرأى أخيه ولم ينتبه لآيات التي كانت تقف مبتعدة قليلا

عساف في ايه واقف برا ليه في حاجة ومهند أخوك فيه حاجة مش طبيعية

متشغلش بالك بمهند انت وقولي عملت ايه

كويس ماشي الحال ايه مش هتدخل

لا اسبقني انت

قالها وهو ينظر لآيات التي كانت تتوارى من نظرات عساف الغير مريحة لها وهي تقول بانزعاج

اتأخري ليه عليا با أبلة انا دايما حظي يقع مع اخوكي الغبي ديه

نظر أمير إلى حيث ينظر أخيه فانتبه لوجود آيات فانزعج هو الآخر من أخيه