قصه هند
هنا اتأكدت من ان فعلا مش بيتهيألي.....
خدت الرقم بسرعه ورحت اشوفه متسجل ب اسم مين علي التروكولر وكانت الصدم#مه...
كتبت الرقم والصد@مة انه لقيته متسجل ب اسم جوزي....
بقيت محتارة ياتري هو جايب الخط ده ب اسمه ومديه لمين ومين دي الي بيكلمها عليا وشاريلها خط....
قررت اني هسكت خالص وهحاول اراقبه من بعيد....
والرقم دا انا مش هحاول اتصل بيه عشان ميحسش ب حاجه او اني عرفت...
اليوم دا جوزي رجع مدايق جدا من برة وبسأله مالك...
_ مفيش شويه مشاكل بس فالشغل....
انا متأكده انه مش الشغل اعدت اواسيه وقولت هحاول اخليه ينسي الي بيكلمها جايز كانت نزوة ويتغير ويرجع ل عقلة وبيته وعياله....
وفي عز ما احنا بنتكلم جاتله رساله عالواتس جري بسرعه عالتليفون وانا كمان مسكت التليفون اراقبه من عندي وعملت نفسي فاتحه الفيسبوك عادي...
لقيت الرقم ده باعتله...
_ انت لسه زعلان مني خلاص بقي...
_ ايوة زعلان انتي ازاي تسيبيني واقف كل ده فالشارع مستنيكي ومتجيش.....
_ والله مقدرتش انزل خالص ماما كانت تعبانه وبابا كان مش فالبيت ومعرفتش اكلمك....
_ بس كنتي حتي ابعتيلي متسبنيش واقف كل ده انا كنت هتجنن عليكي افتكرت حصلك حاجه وبعدين انتي وحشتيني اوي بقالي يومين مشوفتكيش...
_ وانت كمان وحشتني...
_ خلاص انا بكرة مش هروح الشغل وهقضي اليوم معاكي هستناكي...
_ ماشي ياحبيبي...
صد@متي كانت كبيرة فيك يا آدم معقولة الكلام دا بتقوله لحد غيري ومين دي الي انت بتكلمها انا اتأكدت انها مش متجوزه عشان عايشه مع اهلها ياترا متفقين عالجواز كمان ورايح تقضي معاها اليوم فين بكرة ولا يمكن اصلا تكونوا متجوزيين
