انا وجوزى

بعد اذنك..
_ وبالليل كنت نايمه انا في المستشفي وجنبي بنتي الصغيره اللي ولدتها وماما سعاد قالتلي..
سعاد 
حمد لله علي سلامتك يا بنتي...
رحمه 
الله يسلمك يا ماما هو طارق ما جااش برضو انا خاېفه اوووي من اللي هيعملو لما يعرف اني خبيت عليه وقولتله اني حامل في ولد وانا جيبت بنت اهو ..
سعاد 
ما تخافيش انا معاكي اهو يا حبيبتي وهو هيعترض علي قضاء ربنا يعني..

دخل في الوقت ده طارق وقال
ايه ده بقي بعد المصاريف دي كلها والدلع تجبيلي بنت ده انتي يومك اسود..
سعاد 
اخرس يا ولد انت هي جابتها بمزاجها ولا من بيتهم دي بتاعت ربنا..
رحمه 
والله العظيم مش
بأيدي يا طارق وان شاء الله المره الجايه نجيب ولد..
سعاد 
صلي علي النبي كده واهدي وتعالي شيل بنتك علي ايدك وافرح بيها..
طارق پحده 
انا ماشي والسواق تحت هيروحكم..
_قال كلامه ومشي وانا قلبي وجعني اوووي من تصرفاته ورجعت البيت بعد شويه مع حماتي وهو نا جاش خالص وعدي شهر في التاني حتي العقيقه رفض اننا نعملها وكان علي طول بايت بره البيت.. 
وفي يوم كنت قاعده بنيم قي بنتي وهو دخل وقالي..
طارق 
مالك شوفتي عفريت...
رحمه 
لا بس ما توقعتش انك هتيجي النهارده بس حمد لله علي السلامه..
طارق
قومي ودي البت دي عند امي انا مش ناقص صدااع..
رحمه 
بس ماما بتاخد العلاج وبتنام وخديجه طول الليل هتفضل ټعيط وو..
طارق بتغصبيه 
هو انا هفضل اكرر كلامي اكتر من مره كده ما تتلمي وتسمعي الكلام علي طول..
رحمه پخوف 
حاضر حاضر هوديها عند ماما حاضر...
_وطلعت فعلا وديت بنتي عند حماتي ورجعت عنده وبعد شويه قام من جنبي وزعق فيا وقال..
طارق
ايه القرف ده من امتي بقي جسمك كده ما انتي قبل ما تحملي كنتي حلوه..
رحمه بدموع
اعمل ايه بس يا ما هو مكان الحمل والولاده جسمي اتغير ده الطبيعي..
طارق 
وانا ذنبي ايه اتحمل القرف ده بقولك ايه انا ماشي ده انتي بقيتي تسدي النفس ليه القرف ده..
_ وغير هدومه وخرج وانا فضلت قاعده بعيط من اهانته ليا وهو طلع وراح لشقة هايدي خبط بهدوء علي الباب وهي فتحت وقالت..
هايدي
طارق خير في حاجه ولا ايه..
طارق بصلها بخبث وقال
تتجوزيني يا هايدي..
هايدي 
طبعا موافقه انت ما تعرفش انا بحبك ازاي..
طارق 
يبقي نتجوز وفي اسرع وقت انا زهقت من علاقتنا اللي في السر دي..
هايدي 
بس مراتك لو عرفت..
طارق 
ما تعرف انا بجد ما بقتش طايقها ولا طايق بنتها انا عايزك انتي معايا..
_ وفعلا اتجوزها وتاني بوم دخل البيت وانا وحماتي كنا بنتغدي وهي معاه وماسكه ايده..
سعاد 
خير ان شاء الله ايه اللي بيحصل ده يا طارق.
طارق 
ولا حاجه يا ماما انا اتجوزت هايدي قومي يا رحمه جهزيلها اوضه وروقيها عشان هايدي تقعد فيها..
رحمه بدموع 
معقول اتجوزت عليا دي يا طارق وانتي اللي كنتي عامله فيها صحبتي..
طارق 
ما تتكلميش معاها وانا حر اعمل اللي عايزه وانتي تقوليلي
 حاضر ونعم
رحمه پبكاء
انا مستحيل اتحمل اكتر من كده كنت بعدي خېانتك ليا وانا عارفه انك كل بوم تعرف واحده واقول مسيره يعقل ويعرف اني مراته واني احق بيه من الستات الرخيصه ديبس بجد كده كفايه انا مش هقعد هنا دقيقه واحده..
طارق پحده 
يبقي في ستين داهيه وخدي بنتك معاكي..
رحمه 
معاك حق انا هاخد بنتي معايا بنتي اللي انت لحد دلوقتي ما تعرفش شكلها عامل ازاي..
_ واخدت البنت ومشيت فعلا وسعاد كانت قااعده بټعيط في اوضتها وراح عندها طارق وقال..
طارق 
في ايه يا ماما مش المهم عندك انا اكون مبسوط اهو انا هكون مبسوط مع هايدي..
سعاد 
دي بنت مش كويسه اللي تاخد واحد من علي مراته ومراتك طيبه وغلبانه وبتحبك وام بنتك..
طارق 
لو سمحتي يا ماما الموضوع جاب اخره انا زهقت منها ومش عايزها بس لو رجعت ترجع ما رجعتش انا هطلقها وارتاح..
_قال كلامه وطلع من عندها وعندي انا كنت قاعده في الملجأ بعيط ومعايا هبه صاحبتي.
هبه 
بقولك ايه انتي اطلقي منه والمفروض كان من زماان ده يحصل ليه تتحملي لحد دلوقتي..
رحمه 
وانا اطلق منه واروح فين انا ماليش مكان اقعد فيه..
هبه 
الملجأ هنا انتي وبنتك تقعدو هنا وانا هكلم الدكتور بتاعي في الجامعه هو محامي برضو جنائي وهخليه يرفع قضيه وتطلقي..
رحمه 
انا معاكي يا هبه وموافقه مش هفضل ديما ضعيفه كده لازم
ابقي قويه عشان بنتي ما تشوفش اللي انا شوفته..
_ ورفعت رحمه قضيه عليه واطلقت منه وهو بعد ما طلقها بقي يبعت نفقة بنته بس من غير ما يشوفها ولا حتي يسأل فيها.. وبعد تلات سنين.. 
كان طارق قاعد مدايق جنب امه اللي قالتله..
سعاد 
روحت ترجع مراتك وبنتك وجيت لوحدك ليه..
طارق بدموع
روحت هتاك لقيتها اتجوزت من يومين واخدت البنت معاها ومشيت..
سعاد 
تستاهل روحت رميتهم زمان واتجوزت اللي ما تتسمي دي اللي اخدت كل اللي حيلتك ده انت عشان ما تدفعش نفقه اتنازلتلها عن البنت وكأنها مش بنتك..
طارق 
انا كنت وحش اووي واستاهل فعلا اللي انا فيه قاعد من غير كل فلوسي وشغلي وكمان خسړت بنتي ومراتي ومش هشوف بنتي تاني..
سعاد 
ادعي بنتك تكون مرتاحه وكلم رحمه هي بنت حلال وممكن تخليك تشوف بنتك..
_ وتاني يوم عندي انا كنت قاعده بفطر مع ادهم جوزي وبنتي قاعده جنبينا
ادهم 
انتي قولتي ايه لطليقك هتخليه يشوف خديجه..
رحمه 
مش عارف القرار ليك يا ادهم انت ابوها بالنسبالي..
ادهم 
بصي يا رحمه انا لما شوفتك في الملجأ وحبيتك وحبيت خديجه وقررت اتجوزك قولت وقتها اني مستحيل احرم بنتك من ابوها انا واحد ربنا ما اكرموش بأطفال وداق الحرمان بجد فمش هخلي حد يحس بالاحساس ده فا انا من رأيي خليها تشوفه وتعرفه انه هو ابوها الحقيقي وبرضو خديجه بنتي وانا مستعد اضحي بعمري عشانها..

 

رحمه 
انت اعظم راجل في الدنيا والحمد لله ان ربنا عوضني بيك يا حبيبي انا هخليها تروح معاك انت وهي بتشوفه انا هكون مطمنه عليها وهي معاك..
_ وفضل طارق ندمان علي كل اللي عملو مع رحمه وبنته وعايش لوحده بيشتغل عشان يلاقي ياكل ويشرب بعد ما هايدي ضحكت عليه واخدت كل حاجه ورحمه كانت عايشه في سعاده مع جوزها اللي كان بيحبها ومقدر قيمتها كويس..
_ وفي الاخر عايزين نتعلم من قصتنا اكتر من حاجه زي بلاش نبقي خوافين وضعفاء مهما كانت الظروف الانسان بيعيش بكرامته وعزة نفسه وكبريائه يا بلاش..
وبرضو نتعلم لما نلاقي حد بيحبنا وعايش وهو معتمد علينا بلاش نيجي عليه ونوجعه لان اكبر خساره ممكن تحصل لاي حد هي خسارة الناس اللي بتحبه...
_ وبكدا خلصت حكايتنا ونتقابل في قصه جديده