قصه لكوكي سامح
وشى اصفر ومذهول وانا بخبط ايدى كانت بتترعش وخبط خبطه مهزوزه وابن عمتى فتح وقال الحق دى توبه بنتك يا خالى يالهوى بابا هنا ولاقيت عمتى قالت تعالى يا توبه حماتك بتحبك ودخلت لاقيت بابا وعمتى قاعدين بياكلوا وطبعا بابا عارف شكلى بصلى وقالى تعالى كلى وقام من ع الأكل وقالى مالك يا توبه وشك مخطۏف
كده ليه امك فيها حاجه معرفتش ارد عليه بقيت زى الحجر ووشى مخطۏف ومش قادره اتنفس بس بابا مش سايبنى وصوتوا عالى ومساكنى من دراعى ويقولى مالك ردى عليه فيكى ايه روحت ومن غير ما حس قولت بابا فى مصېبه
بابا فضل ماسك دراعى وقالى مالك يا توبه روحت قولت عمتى مسكت بابا وقالت استنى راحت مسكت ايدى وقالت توبه انتى مش صغيره ماما مالها تعبانه
بس انا جسمى ساب وبقيت اترعش وقولتلها والله يا عمتى انا مكنتش اعرف ان بابا عندك وجريت ووطيت ع رجل بابا وغلاوتى عندك اوعى ونزل يجرى ويقول عمتى بقت تصوت ونزلت وراه ملهوفه وانا كمان وابن عمتى بس بابا كان سبقنا لحد البيت واول ماروحنا وطلعنا ع السلم انا حسيت ان الوقت بطيئ والدنيا اسودت فى عينى وعمتى بقت تقولى كله بسببك ابوكى زمانه وانا طالعه ومش قادره اتنفس قولتلها لا انا حلفت بابا بغلاوتى يا عمتى وطلعنا لاقينا بابا واقف ع باب الشقه بيعيط وقال لعمتى مش قادر اتنفس راحت عمتى خدت المفتاح من ايد بابا ودخلت هى الشقه ووقفت ع باب اوضه النوم وسمعت ماما بتضحك قاعده ع الارض ومعاها ست غريبه قاعده جمبها وراجل قاعد ع الكنبه اللى فالاوضه وفارش منديل وطبق وفيه بخور وعمال يقرأ عليهم كلام غريب وماما بتردد وراه واول ما ماما شافت بابا قامت تجرى عليه وقالت ابوس ايدك متزعلش منى نفسى اخلف ليك ولد يشيل عنك ملقتش غير افك الربط اللى معمولى بعدم الخلفه
وطردهم وقال لماما
حسك عينك تعملى كده من ورايا تانى المفروض اى حاجه تحصل فالبيت لو حتى ملهاش لازمه لازم اعرفها لازم اعرف كل كبيره وصغيره راحت ماما قالت صحيح انت ايه اللى جابك دلوقتى
ده لسه
بدرى راحت عمتى قالت لها هو كان
