حماتي خلتني ابات علي السلم بقلم هويدا زغلول

حماتي خلتني ابات علي السلم ليله ډخلتي
وقبل ما نبدا الحكايه اعرفكم بنفسي 
انا عفاف بنت كنت عايشه في الأرياف
وفي يوم كنت رايحه عند عمي اللي في القاهره 
وفتحت مراته
دلال 
قال يا قاعدين يكفيوا شړ الجاين خير يا حبيبتي 
مش ابوكي راح وخلاص كل واحد راح لحاله 
ولا اي
عفاف 
ازيك يا مرات عمي عامله اي معلش والله انا
مليش غيركم خالي اخد الدار اللي حدنا
بيقول امي بعتها ليه قبل ما تروح
دلال 
وايه اللي جابك عندها هنا مش فاهمه
يعني حد قالك ان دي التكيه اللي ابوكي 
فتحها ليكي وخرج العم وقال

ممدوح 
دلال اي الكلام الغريب اللي انتي عامله 
تقولي ده تعالي يا بنتي ادخلي حقك عليا أنا 
متزعليش بيت عمها ي دلال هتروح 
فين يعني
دلال 
طيب يا اخويا خليك برحتك لما نشوف 
اخرتها معاك ومعاها وبعدها دخلت
عفاف
والله يا عمي انا ما كنت عايزه اعمل 
ليك مشاكل خالص بس انت عارف 
انا مليش اي مكان اروح فيه
ممدوح 
سيبك منها خالص وخليكي هنا ولو عوزتي 
اي حاجه انا تحت امرك ادخلي يلا نامي جوا 
عقبال ما انزل اجيب ليكي لقمه حلوه
وبعدها دخلت وخرج دلال
دلال 
من أمتي أنشاء الله مانت طول عمرك 
مش بتحب بنت اخوك دي ولا اصلا 
روحت حضرت عزا اخوك
ممدوح 
خليكي في حالك يا دلال لو سمحت 
وانا اعمل اللي انا عايزو انتي سامعه ولا لا
دلال 
ماشي يا ممدوح اللي تشوفه بس عايزه 
اقولك ان هعرف فيه اي وبعدها راح 
ممدوح بيت سنيه جارتهم
سنيه 
طلما جيت كده يبقي وافقت علي طلبي 
إن ابني احمد يتجوز بنتك مني
ممدوح 
انتي مش عايزه اي عروسه والسلام 
انا عندي بنت اخويا عفاف بنت اي احلي 
من بنتي بكتير واظن بقي أنا استاهل
الشقه اللي اتفقنا عليها
سنيه 
مش لما اشوف العروسه الاول انت 
عارف ان عايزه بنت هاديه علشان خاطر 
ظروف ابني واحده تعامله بمي يرضي الله
ممدوح 
والله بنت اخويا دي طيبه الدنيا كلها فيها 
مش عايزك تشيلي هم حاجه خالص
سنيه 
تمام انا هاجي الاسبوع الجاي انا وابني
علشان نشوفها ولو تمام هدفعلك 
الفلوس اللي قولتك عليها مش بس كده 
لا ده انا كمان هديك الشقه زي ما قولتك
ممدوح 
حلو اوي الكلام ده بس مش هينفع تيجي 
بيه اه انتي عارفه ظروفه عامله ازاي والبت 
بقولك حلوه اوي ومش هينفع يعني 
تشوفه بشكله ده
سنيه 
ماشي