رواية أجمل قصة حب " ملك ابراهيم
هنا بفرحه كبيرة/ طبعا موافقه
مازن/ تمام يبقي تيجي الشركه پکړھ ونتفق علي كل حاجه
هنا / حاضر متشكره لحضرتك جدا مع السلامه
هنا بفرحه وطنطيت الحمدلله يارب مش قولتلك يادينا ربنا هيحلها
دينا/ ايه الا حصل
هنا /هحكيلك
في بيت والد هنا
والد هنا/ لاء ياسمر اخوكي ماينفعش هنا
سمر/ ليه ان شاءالله لاتكون شايفنا مش اد المقام
والد هنا/ انا ماقولتش كدا ياسمر بس اخوكي يعني مابيشتغلش ولا كمل تعليمه دا لحد دلوقتي عايش عاله عليكم انما هنا بنتي كلها سنه وتبقا مهندسه اد الدنيا
سمر پڠـل وبدون تفكير/ لاء ياعبد الرحمن مش هتبقا
سمر بمكر/ قصدي يعني مش هتبقا مرتاح وبنتك بعيده عنك كدا ماتعرفش بتعمل ايه ولا عايشه مع مين مش ممكن شاب صايع من بتاع اليومين دول يضحك عليها بكلمتين ويغلطوا وقت ساعتها بقا هينفعك تعليمها ولا شهادتها
والد هنا/ هنا بنتي عمرها ماتعمل كدا انا مربيها احسن تربيه
سمر/ مربيها اه بس مش مربي ولاد الناس فكر في كلامي وهتلاقي عندي حق وبعدين مين قالك ان حسن اخويا هيحرمها من الكليه دا هيشجها تكمل بس وهي مراته وعلي زمته
والد هنا/ طب سبيني يومين افكر كدا ياسمر وارد عليكي
يوم جديد في شركةos جروب
مازن/ نورتينا يا هنا
هنا/ بنور حضرتك يابشمهندس انا بجد متشكره اوي
مازن/علي ايه بس المهم اي مشكله تقبلك او اي حاجه مش فهماها انا موجود تمام
هنا/تمام
مازن/ واه قبل مانسا احنا عاملين هنا في الشركه سكن للموظفات المغتربات قريب من الشركه هنا لو حبه تنقلي اقامتك معاهم هيكون اريحلك..... ثانيه واحد
الو... لوسمحتي يا بشمهندسه تجيلي المكتب دلوقتي
انا هعرفك علي بشمهندسه الاء مهندسه معانا في الشركه ومقيمة في سكن المغتربات
