(بارك الله لكما وبارك عليكما وجمع بينكما في خير)
خدت كوبايه وفتحت اى عصير من التلاجة إلى مليانة عصاير دى، وطلعت من جيبي الحبايه وحطيتها، احطله منوم؟ بالله عليكم لتقولولى احطله منوم، اقتله طيب!
_اتفضل
=شكرا يحلوة
كنت ببص على الكوبايه ومستنيه يشرب منها بس قبل ميشرب وقف ايده وبصلي
_صحيح احنا اتجوزنا امتى
=الله يخربيت إلى عاوزك يا اخى، قصدى امبارح امبارح
_اه تمم
=اشرب بقي قبل ميبرد
_هو اى الى يبرد دا تلج!
=والله طب اشرب قبل ميسخن
شرب اخيرا يختاى ازغرط؟ هزغرط في اوضتى خلصانة، هو كل يوم هتعب كده في الدوا، دا انا ليا الأجر والثواب عند الله
_راحة فين
=اوضتى
_اي!!
ابتسمت ابتسامة ساذجة =اي؟
قام لقيته وقع على السرير، دا شكله تعبان بجد، روحتله ونيمته بوضعيه كويسه وجيت امشي لقيته مسك ايدى، كانت ايده سخنة، حطيت ايدى على جبهته لقيته سخن، هيموت دا ولا اى
جبت كمادات وبدأت اعمله، وهو نايم قدامى، يبنى هو فيه حد حلو كده! مجرد استفسار مش اكتر يعنى؟
لقيته بعد نص ساعة قام وسند راسه على السرير وانا كنت نمت ف راسي وقعت على كتفه
_اركب الهوا، قصدي انت صحيت خفيت!
=مش عارف
حطيت ايدى على جبته، فمسكها
_هتبدأ قلة أدب بقي مهو ربنا مش بيعمل فيك كل دا من شويه، دا تخليص ذنوب يلا
=هه، انتى طيبه اوى
_الله يخليك
=وجميلة
_الله يسترك
=مكنتش متخيل ان انا اتجوز ف يوم
_الله يحرقك، قصدي اشمعنا!
=انا بايظ يمريم
_منتهى الصلاحيه يعنى!
=هه، مش نافع يعنى
_اه، لا متقولش كده انت كويس، احممم وحلو
قرب منى
_بجد والله!
=والله مشوفت تربيه وربي
_هه
=متستغلش انى على سريرك ولازقه فيك، دا عشان انت تعبان بس
_يحنينه
=وبما انك بقيت كويس ف انا راحة اوضتى
_يقادرة
