رواية لست جميله كامله
جميلة فعلا ...أول مرة اشوف نفسي حلوة كده ...
الله يا انوار ...الميكب لايق عليكي اووي فارس هيتهبل بيكي
جات حماتي مع واحدة حلوة وقربت عليا وقالت بقرف للميكب ارتيست
مكنتيش قادرة تكتري الميكب شوية لسه شكلها وحش ...
لما قالت الكلمة دي حسيت ماية سقعة اتكبت عليا وعيوني بدأت تدمع ...
بصتلها الست پصدمة وقالت
نفخت حماتي بقرف وقالت.
يا ميلة بختك يا ابني وقعت الوقعة دي ...
وبصت للبنت اللي جمبها وقالت
وماله يا رهف لو كنتي وافقتي عليه لما اتقدملك يا بنتي ونجدتيه من الهم ده
وشي بهت وانا ببصلها فقالت حماتي بإبتسامة شړ
صحيح يا انوار ...دي رهف بنت اختي ...فارس مچنون بيها اتقدملها كتير وهو مرتبط بيكي بس رفضت ولما يأس اتقدملك وخلاص!!!!
لست جميلة
سولييه نصارلست_جميلة
الجزء الرابع
قعدت اتنفس بسرعة وحسيت قلبي بيدق جامد ...حسيت ان الدنيا بتضيق بيا ...
حماتي ابتسمت ليا مرة أخيرة واخدت رهف في ايديها ومشيت...
انوار...انوار اهدي...
قالتها نور وهي ماسكة ايدي وبتحاول تهديني....بعدين كملت
هي أكيد بتكدب عليكي عشان تكيدك...كلنا عارفين ان فارس مش بيحب حد غيرك ...متنسيش يا انوار انه حارب عشانك وصمم عليكي ...متنسيش هو عمل ايه عشان تتجوزوا...غمضت عينيا وانا بتنفس بتعب ...هي عندها حق ...فارس عمل حاجات كتير عشان نتجوز ...صمم عليا وفي وقت قليل جهز شقته واشتغل وتعب عشان يليق بيا ...مستحيل يكون كده ...أكيد هي عايزة تقهرني...
عندك حق ...
وفعلا قررت محطش كلامها في راسي ...قررت استمتع باليوم ده علي قد ما اقدر ....
.....
رجعت الميكب ارتيست تضبط الميكب تاني وهي بتقول بصوت واطي
علي فكرة شكلك قمر ...حتي من غير ميكب اللهم بارك ملامحك مميزة وبريئة يا بخت عريسك بيكي ...
وشي بهت وانا بسمع الجملة دي منها ....صحيح سمعتها كتير من اهلي وفارس ونور ...بس أول مرة حد غريب يقول علي ملامحي حلوة ...انبسطت من جوايا وبدأت اقتنع شوية اني مش وحشة للدرجة ...
بعد ما خلصت بصيت علي نفسي في المرايا وانا فرحانة ...قررت انسي أي كلام سئ اتقالي من حماتي ...المهم عندي فارس ...فارس وبس....
.....
جه فارس بعربيته عشان يأخدني من الكوافير ...كان مديني ظهره وماسك باقة الورد وانا كنت ماشية وانا بترعش وعلي شفايفي ابتسامة واسعة ...حطيت ايدي علي كتفه وبعدين لف هو ...ابتسم ليا ..
في قاعة الفرح ...
كنت ببصله بحب وانا برقص معاه كانت الفرحة مش سايعاني لدرجة اني كنت بقول أي كلام بإرتباك وهو كان بيبصلي ويضحك ....
قعدنا علي الكوشة واستقبلنا التهاني ...حماتي كانت متضايقة اووي مني وده بان من نظراتها ليا وحتي رهف دي كانت بتبصلي بكره غريب ...
بس أنا قررت اتجاهل ده كله ...قررت اعيش اليوم ده مع اللي بحبه وبس ...
خلص الفرح وروحنا بيتنا ...كان فارس شايلني وهو بيدور بيا جامد اوووي ...نزلني براحة وباس راسي وقال
نورتي حياتي ...
بصيت لتحت وانا مكسوفة ...رفع راسي وقال
انا مش مصدق ان خلاص بقينا مع بعض ...خلاص بقيتي علي اسمي وعمري ما هسيبك...
وشي احمر من الكسوف ...
قرب هو مني ...بس بعدت فجأة وانا بقول بتوتر
نصلي ...لازم نصلي ..
ابتسم وقال
عندك حق ..غيري واتوضي وانا هتوضي بعدك...
هزيت راسي وانا بدخل الاوضة عشان اجهز الاسدال ...بصيت لقيت الفون بتاعي علي الكومدينو ...أكيد ماما جابته هنا ...روحت اشيله في الدرج ولفت انتباهي حاجة ..
كان فارس قاعد علي الانترية والسعادة مش سايعاه ...اعظم انتصارات الراجل انه يأخد اللي بيحبها ...وهو حارب كتير عشان انوار ومش هيسيبها تبعد عنه ابدا !!!
فجأة انتبه فارس لما طلعت أنا وقف وقال
ايه يا حبيبي ليه مغيرتيش...
دموعي نزلت وانا بقول بصوت مخڼوق
طلقني ...طلقني فورا !!
يتبع
لست جميلة
سولييه نصار
لست_جميلة
الاخيرة
مالك يا أنوار ..
قالها فارس وهو بيبصلي كأني مچنونة ...دموعي كانت بتنزل وقولت
اټجننت وعايزاك تطلقني مش عايزة اعيش معاك انا حرة ..طلقني ...طلقني لو سمحت ...
مسكني فارس جامد من أيدي وقال وهو بيحاول يسيطر علي اعصابه وقال
هو فيه ايه مفيش علي لسانك الا طلقني طلقني ...للدرجادي عقلك صغير ...قوليلي أنا عملت ايه عشان تعملي ده كله ...ما تكبري شوية يا أنوار لاني زهقت ...زهقت من تصرفاتك الطفولية دي
