_انتى واحده مش قد المسئوليه ام مستهتره ولا بتعرفي تتعاملى مع اطفالك ولا بتعملى حاجه في البيت
_هوا انتى اللي عملتى كدا يا ريهام
_لا طبعا يا بابا مهما كان دا ابني اخطفه ازاي بس
_دلوقتي افتكرتي انو ابنك ربنا يهديكي يا بنتى
*لا تعرف لماذا أحست بقبضة في صدرها لا تعرف لماذا أحست أن العالم يدور بها هل هذا خوف على ولدها ام تعب طبيعي وسيزول …
خانتها عاطفة الامومه وتذكرت أن يحيي ولدها لا تعرف لماذا شعرت بالخوف فهى دائما تضربه وتلسعه وتأذيه ودائما تفرغ طاقتها به فلماذا شعرت بهذا الخوف والتعب أيضا …
دخلت غرفتها وظلت تبكي ودخلت في حالة انهيار تأتي لها كل فترة لكنها لا تخبر بها أحد …
بدأت بتكسير كل ما يقابلها هذه الحاله تجعلها تأذي من ياتى أمامها لذالك تذكرت يحىى وهى تاذيه في جسده وبعدها تأخذه في حضنها وكأنها لم تفعل شيئا!؟
اخذت تدور بكل الغرفه اهى المذنبه ام العالم أم عمر ام ماذا نعم هى تكره عمر لانه كان يتركها وحدها…
دخل والدها
_انتى اي مجنونه اي دا كل مرة تشوفي فيها عمر بتعملى كدا
كانت تعطيه ظهرها …
_ايوا علشان انا بكره البنى ادم دا يكرهه هوا السبب في كل دا هوا السبب
_ازاي هوا السبب احكى
_يبابا ارجوك سيبنى انا تعبانه دلوقتي
_يشيخه قلبك مش واجعك على ابنك
_واجعنى على فكره انا هموت من القلق عليه بس مش عارفه هوا اي اللي حصل
_يبنتى ربنا يهديكي وروحى مع جوزك ودوري على ابنك
_مش هقدر يا بابا عمر اللي هيلاقيه….
_يبنتى..
_خلاص يبابا بقى معدش ينفع إقناع!؟
عند عمر…
ذهب إلي قسم الشرطه وقدم بلاغ باختطاف ابنه وبفعل تعاملاته قامت الشرطه فورا بالبحث عن من فعل تلك الجريمه…
_حضرتك مبتتهمش حد يا استاذ عمر
_لا
ابعد شكوكه وظنونه عن ريهام فهو راي في عينها عاطفة الامومه التى لم تفعل ذالك!؟
_طيب حضرتك تقدر تتفضل واحنا هنبدا في إجراءات البحث وان شاء الله هتلاقيه متقلقش
_طيب شكرا جدا لحضرتك..
وهوا خارج اتصل بشادي
_الو يا شادي ابنى اتخطف وكنت عاوز مساعدتك انى الاقيه
_طيب أهدى يا صاحبي وان شاء الله هتلاقيه بس متقلقش
_طيب حاول كدا انت عارف المجرمين وكدا بحكم شغلك.
_عنيا يا صحبي متقلقش
ذهب عمر الي المنزل بعد عناء يوم كامل في البحث عن ابنه
كانت والدته ونور في انتظاره فكانت نور تبكي بحرقه ووالدته أيضا
_ها يبنى عملت اي
_بلغت البوليس وكلمت شادي وحاولت ادور معرفتش ليه اي اثر
_ان شاء الله يبنى هتلاقيه ادخل ارتاح انت وهحضرلك العشاء
_لا يا امى مش عندي نفس انا هدخل اريح ساعه وأقوم ادور تاني ويارب الاقيه
نظر إلى نور
_انا اسفه والله مكنش قصدي انا كنت طالعه اجيب حاجه ناكلها
_تمام ولا يهمك
دخل بلامبالاة
نظرت نور لوالدته
_طيب انا همشي يا طنط عوزا حاجه
_سلامتك يا بنتى.
دخلت نور الي شقتها
واتصلت بأحدهم
_الو اه كان بيدور عليه طول النهار بس خد بالك هو بلغ البوليس….
و……..
_خلى بالك هوا بلغ البوليس
_متقلقيش انا مظبط كل حاجه وانا عارف انو عمل كدا
