انا بحب واحد متجوز، عارفه ان دى مش بدايه كويسه أبدآ لكلامى

وكتبتله تصبح على خير وانا بنهى المحادثه بيننا اللى كانت كلها رومانسيه وحب، وفضول كمان لإنه كان مصورلى بوكس كبييييييير جدآ فيه حاجه عشانى ومارضيش يقول هى إيه، قفلت موبايلى ونمت وانا مبسوطه وعلى وشي ابتسامه مبقيتش بتفارقنى من يوم مادخل حياتى.

صحيت من النوم، اتصلت بيه وتقريبآ دى كانت اخر مرة يدينى جرس!!

الموبايل اتقفل من بعدها، اتصلت بيه كتير لما وصلت شغلى بس مفيش فايده كان برضو مقفول، خلصت شغلى وانا قلقانه جدآ، وروحت البيت ولسه الموبايل مقفول وطبعآ مش موجود على النت، فى ميعاد نومى فضلت اتصل وبرضو مقفول، نوم ايه بقى!، مش هعرف انام من كتر القلق عليه، انا ازاى معملتش زيه، ده هو تقريبآ اتعرف على كل القريبين منى يعنى لو فى اى وقت موبايلى اتقفل هيعرف يوصللى برضو ان ماكانش هيجيلى البيت، بس انا مع قفل الموبايل بقيت قليلة الحيله مش قادرة اوصله ولا اطمن عليه حتى

.الساعه بقت 11 والقلق بيزيد، بقت 12 وبدأت اعيط من كتر الخوف عليه، بقت 1 بالليل والموبايل لسه مقفول وهو مالوش أثر

ياترى هو فين وليه اختفى كده؟؟؟

الجزء الرابع

الساعه بقت 11 والقلق بيزيد بقت 12 وبدات اعيط من كثر الخوف عليه بقت 1بالليل والموبايل لس مقفول وهو مالوش اثر يا تري هو فين وليه اختفي كده؟

نمت علي سريري وحض"نت نفسي ودموعي بتنزل علي مخدتي موبايلي كان علي الكومدينو والساعه 2ونصف لقيت الموبايل بيرن قومت منفوضه ومديت أيدي ومسكته بسرعه وبصيت لقيته هو الحمد لله يارب اخيرآ رديت بسرعه

داليا /الو عمرو كنت فين كنت هموت من القلق

ردعليا بصوت ضعيف ومكسور

عمرو: الشات اللي بيننا إتشاف

داليا/مراتك شافته ؟

عمرو/ بانكسار اه

داليا /طب حصل ايه

عمرو/ مش هينفع نتكلم

داليا /هي جنبك ؟

عمرو / اه والاسبيكر مفتوح وهي سمعاكي

فجاه لقيت اللي بشتمني بأصعب الألفاظ كنت مصد"ومه من الكلام اللي بيتقالي وفجاة المكالمه اتقفلت اتصلت تاني وانا حاسه ان روحي بتطلع