بقلم مريم سرور
وخلاص
_طيب اكيد مصلتش قيام الليل قوم صلي معايا .
دخل الحمام وعمل نفسه بيتوضى وهو مش عارف ازاي بص وراه لقى ولاء وراه ومكشرة
_بتلخبط ساعات.
_انا برايي انك تستحمى احسن عشان ريحتك تقرف .
وللمرة الالف ولاء بتصدمه وتخليه يشك ف نفسه
قعد يشم ف التيشيرت ويشوف ريحته حلوه ولا لا
_ع فكره ي انتي ريحتي حلوة تلاقيها ريحتك انتي
_جاهل!!!!!انا !انا متعلم ف احسن جامعه وعايش احسن عيشه وو....
_الجاهل جاهل بفكره مش بتعليمه ي سيف.
وزي كل مره ولاء بتمشي وتسيبه وهو بيقف عاجز
_دي جاهله !!شكلي طلعت غلطان دي افعى ثعبان حرباية.
سيف بدا يشم نفسه تاني وشك ف نفسه ف دخل يستحمى بص لنفسه ف المراية حس انه مش امور
خرج لها لقاها ماسكه حاجه بتقراها
_بتعرفي تقراي
_اكيد انا اصلا دكتورة
_ايهه دكتوره ازاي!!
_ي ربي اغفر لي ....زي الناس ي جاهل .
_اممم وبتقراي ايه !!
ولاء برقت من الصدمه وهي بتبص له
_انت حتى متعرفش شكل المصحف!!!!
_ده ايه ...اه القرآن!
_يلهووي بجد...م مصدقه انهم جوزوني لجاهل زيك .
_دي مطلعتش جاهله ...اوف ..
مسك المصحف اللي كانت مسكاه وبدا يقرا
_امم شكله حلو ..بيقول اي بقا .
بدا يقرا وكتير من الكلمات كانت ضايعه منه
_يعني ايه ...فسيكفيك..ايهه بتتقرا ازاي دي ...فسيكفيكه...فيكفيكم..
سمع صوت ولاء من وراه
_فسيكفيكهم
_ده بتاعي تسااذن قبل ما تاخده
_خلاص ي ستي انا اصلا مش فاهم حاجه .
ولاء فتحت المصحف على اصغر سورة يقدر يقراها
_ايه دي !
_اقرا الصغيرين الاول بعدين الكبار عشان تعرف تقرا.
مسك المصحف وبص للسورة هو عمره ما قرا عربي اووي بيعرف يتكلم مصري شويه بلع ريقه بتوتر بيكره يبان جاهل قدام حد
بصت له ف عنيه
_اقرا ي سيف مفيش مشكله لو غلطت
بدا يقرا وهي تصلح له بعض الأخطاء
_قراءتك حلوه ي سيف..محتاجة شويه تظبيط .
_مش محتاج اقرا ...
_جعان!
_مفيش حد نطلب منه اكل دلوقتي
_انا هعمل هتاكل ولا لا
_ماشي
ولاء خلعت الاسدال ووقفت ف المطبخ وهي لابسه فستان قصير بينك ورابطه شعرها ولابسه النضارة
_اممم مش وحشه...اومال ليه دايما بيتكلمو وحش عن البنات اللي لابسه حجاب .
كان واقف بيبص عليها وهي مش واخده بالها وفضل يكلم نفسه
_ولما هي حلوة كده ليه تخبي نفسها ...
فضل يكلم نفسه وحس ان ولاء دي بنت غامضه
_ع نفسها هخليها تبوس رجلي وتقولي بحبك ي سيفوو .
دخل المطبخ وهي اتخضت منه واتكسفت
_اطلع برا
_ما اكيد هشوفك كده ايه المحرج !
_اول مره اقف قدام حد كده
عمل نفسه مش مهتم وفتح التلاجه وخد ميا وشربها وهو برده بيبص عليها
قرب منها ولمس شعرها
_شعرك حلو اوي
مسكت ايده بعصبية
_تؤ ايدك متلمسنيش
_ايه منا جوزك ...ولا دي كمان حرام
لفت عينها بملل
_بس انا مش بستلطفك وم متقبلاك انت مش نوعي المفضل.
سيف حس ان الكلام جرحه واتهان اووي فخرج برا وهو متدايق .
قعد يهز ف رجله وفتح الكاميرا بتاعة الموب
_انا وحش ف ايه... عيني الزرقا دي تترفض
قعد حاطط ايده ع خده وهو زعلان عمر ما حد كلمه بالاسلوب ده وطول عمره محبوب من الناس كلها بس قعد يفكر مع نفسه طب ما انا
