_ القهوة يا آنسة شاورلته يقرب واتكلمت بهمس: متعرفش فين مدير الكافيه
بيلف سيف ليها: نعم
نورا: هي فين مريم عايزين نبدأ
سيف: مشيت
نورا: ازاي.. راحت فين
سيف بضيق: مش عارف
بيكون لسه هيمشي بس بتوقفه نورا اللى بتمسك ايده
بيبص سيف لأيدها برفع حاجب ف بتسيب ايده بإحراج
نورا: احم… كنت عايز اقول لحضرتك ان الكافية جميل جدًا والديكور كمان… انك تعمل كل دا في سنك يدل انك ماشاء الله…
قاطعها سيف: شكرًا
وبيسبها وبيمشي
نورا بابتسامة خبيثة: قليل الذوق بس عجبني
نورا بخضة: بسم الله.. يبنتي انتي بتطلعي منين
زهرة: فين مريم
نورا: ابن خالها بيقول مشيت
زهرة: ايه دا ازاي
بتهز نورا كتفها بلامبالاة: معرفش
__________________________
نــــــــــــيــــــــــــرة وائــــــــــــــــــــل
عند مريم بتكون في اوضتها بتعيط بتدخل عليها اختها الكبيرة
_ايدا مالك يا مريم
مريم بعياط: سيف بيقولي اني بتاعة شباب ومش محترمة يا دلال
مريم من وسط شهقاتها: روحتله الكافيه انا وصحابي كان عندنا حاجات تبع الجامعة بنحضرلها ولما شافهم قالي انه ازاي اصاحب شباب واني مش متربية
دلال: ماهو عنده حق برض
مريم: دلال انتى بتقولي ايه
دلال: انتى عبيطة يا مريم داخله عليه بشباب وبتقوليله صحابك المفروض ياخدهم بالحضن يعني مش فاهمه
مريم: حتى انتى يا دلال
دلال: يا حبيبتي افهمي اللي عملتيه دا غلط شغلك انتى وصحابك يبقى فى الجامعه بس واسمهم زمايل دراسة مش صحاب ونخرج معاهم في اي حتة ويا حبذا بقا لو التيم دا كنتى اختارتيه بنات بس
دلال: وكمان مزوغة يا مريم والله تستاهلي
ربعت ايديها واتكلمت وهي بتمط شفايفها: صحيح خيرًا تعمل شرًا تلقى
________________________
