_ القهوة يا آنسة شاورلته يقرب واتكلمت بهمس: متعرفش فين مدير الكافيه
كانت لسه بتتحرك لكنه بيقف قدامها وبيمنعها انها تمشي
سيف: انتي في حد في حياتك طيب
بتهز راسها بنفي وبتتكلم بسرعة: لا والله
سيف: طيب قولتي ايه
بتبص في الارض وبتتكلم بتوتر: م… موافقة
سيف بابتسامة: ممكن رقم والدك عشان احدد معاه معاد
زهرة: والدي متوفي…. ممكن تتفق مع عمي
سيف: انا اسف مكنتش اعرف… طيب ممكن رقمه
زهرة: ح.. حاضر
سيف: ممكن متعرفيش حد دلوقتي خالص لحد ما اجي اتقدملك
زهرة: ولا حتى صحابي يعني مريم وكدا
سيف: لا متعرفيش حد خالص “بيكمل بضحك” عشان الحسد بقا وكدا
” بااااااااااك “
بتفوق من شرودها على صوت رنة موبايلها بتمسكه بلهفة وبتفتكر انه سيف لكن بتلاقيها نورا
زهرة: الو
نورا: ازيك يا زهرة
زهرة بفرحة: كويسة.. كويسة جدًا
زهرة بتسرح وبتفتكر انه سيف قالها متعرفش حد
نورا: الوووو يبنتي
زهرة: هااا… نعم
نورا: الاه.. مالك يا زهرة
زهرة بتوتر: لا مفيش عادي
نورا: متأكدة
زهرة: ايوا المهم انتي عامله ايه
زهرة: مالك يا نور بقالك فترة مش على بعضك ورافضة تتكلمي او تحكي لأي حد
نورا بتنهيدة: كان شوية مشاكل فى البيت بس مع ضغط الامتحانات وكدا لكن دلوقتي الحمدلله تمام اهو
زهرة: طيب كان ممكن تحكيلنا وتشاركينا علفكره بدل ما تنعزلي لوحدك كدا
زهرة: حتى لو يا حبيبتي مكنش ينفع تشيلي كل دا لوحدك امال احنا لازمتنا ايه
نورا بمرح: خلاص يا زوزة بقا انا بقيت زي الفل اهو وعدت الحمدلله… ها قوليلي هتلبسي ايه بكرة
زهرة: بتغيري الموضوع بس ماشي هعديهالك… لسه مش عارفه هلبس ايه ومجبتش حاجه جديدة
زهرة: اصل… اصل انا لسه مقبضتش
نورا: طيب ممكن اسلفك لحد القبض ها ايه رأيك
زهرة: لا مش هستلف عشان اجيب لبس اكيد يعني
نورا:هو انتي هتستلفي من حد غريب يا زهرة
زهرة: لا مش غريبة طبعًا بس انا مش بحب استلف وانتي عارفه
