- الدكتور مصطفى جيه يا جنة جوزك رجع من السفر

عيسى حاوط بأيده ضهرها:- بتعاقبيني بس بطريقه غير مباشره يعني وبتتكلمي بأحترام لو زعلانة قولي يجنة 

جنة مسكت ايده وهي لسه حاطة راسها على صدره

: مينفعش ازعل يعيسى من واجبي اني امتص عصبيتك وغضبك من واجبي اني لو شفتك مضايق من حاجة مزودهاش عليك 

عيسى:- انا محتاجك اوي

جنة:- وانا معاك 

سحبته وراها وهو كان بيبصلها بحب كبير وماشي وراها

ناموا على السرير حطيت راسها على صدره ومسكت ايده، طبعت قبـ"لة صغيرة على خده بخجل، ابتسم بحب 

جنة:- يلا احكي

عيسى:- مش عايز عايز بس تفضلي فى حضني وماسكة ايدي دا يكفيني مش عايز غير كدا وبس

جنة بخجل:- امممم

عيسى: قولتلك يكفيني دا وانا مش مستعجل يجنة حتى لو هنفضل كدا طول جوازنا يكفي وجودك جانبي

كمل وهو. بيغمزلها:- بس اتعاملي مع جدك بقى قالي ارجع بأخبار حلوة

جنة بخجل شديد:- تصبح على خير يعيسى

ضحك على خجلها بحب كبير:- وانتي من اهله

فى الصباح صحيت جنة لاقيت عيسى واقف قدام المرايا وبيحط البرفن بتاعه

جنة:- ممكن اجاي معاك

عيسى:- انا رايح الشركة هتيجي معايا فين 

قامت بسرعة ومسكت ايديها: بالله عليك يعيسى عايزة اجاي معاك انا مش حابة اقعد هنا لوحدي

عيسى:- انا هفضل طول الوقت بشتغل وانتي هتملي هناك

جنة:- ولا يهمك وافق بقى

عيسى:- زاننة اوي روحي البسى هنفطر ونروح

جنة بفرحة:- فوريرة 

لبست جنة وفطروا وصلوا الشركة

دخل عيسى الشركة بهيبته ومسك ايد جنة بصولهم كل اللى فى الشركة بأستغراب لان محدش يعرف بموضوع جوازهم

عيسى وهو بيدخل مكتبه:- ملفات وتصاميم المشروع الجديد تكون على مكتبي كمان خمس دقايق وقولي للمهندسين فيه اجتماع كمان نص ساعة

:- تمام يا فندم 

دخلوا المكتب قعد عيسى على كرسي مكتبه وجنة قعدت على الكنبة

عيسى:- تعالي اقعدي هنا

جنة:- انت جايب شخصيتك الجامدة اوي دي منين بجد

عيسى:- هههههه من جدي طبعا

جنة:- يا ريت اعرف ابقى ربعك بجد

فجأة دخلت بنت وراحت عند عيسى 

:- عيسى وحشتني اوي بجد فرحت جدا انك جيت نادين:- عيسى ازيك وحشتنى اوى فرحت جدا انك جيت 

عيسى:- الله يسلمك يا نادين 

- جنة اتجمعت الدموع فى عينيها حاولت تاخد نفس عميق واتكلمت بصوت مخـ نـوق

:- عيسى انا عايزة اروح 

عيسى:- ليه وبعدين مالك فيه ايه

نادين:- انتي مين اسفة مخدتش بالي منك وانا داخلة

جنة بدموع:- اه كنتي مركزة مع عيسى شوفتك انا

جت تقوم راحت ناحية الباب وجت تفتحه عيسى قام بسرعة ووقف قدام الباب اتكلم بغضب 

:- رايحة فين 

جنة بسخرية:- عايزة امشي عشان اسيبكوا لوحدكوا بتقولك وحشتها بلاش ابقى عزول ما بينكوا 

نادين:- مين دي يعيسى

جنة:- بنت عمه 

عيسى اتكلم بسرعة وهو بيبص لجنة وبيمسك ايديها

:- ومراتي 

نادين بتلقائية وغضب:- انت اتجوزت غيري

عيسى بجمود:- مش فاهم نادين انا قولتلك كتير ان اللي ما بينا شغل وبس جيتي عشان تسلمي عليا صح 

نادين:- اه

عيسى:- تمام مشكورة تقدري دلوقتي تروحي على شغلك

نادين بغيظ:- تمام 

خرجت نادين، عيسى بص لجنة بحب، مسك ايديها وسحبها وراه وقعد على الكرسي وقعدها على رجله، حط كف ايده على خدها

عيسى بحنية:- عايزة تعيطي عيطي

جنة:- وانا هعيط ليه يعني ولا فارق معايا ومكنش لازم تمثل عليا ان مفيش ما بينكوا حاجه

بص الناحية التانية وهو بيقبض ايده بغضب اخد نفس عميق وبصلها

عيسى:- بيتشك فيا تاني على الرغم من اني محذر قبل كدا من الموضوع دا 

لا حول ولا قوة الا بالله العلي العظيم ♥️

جنة بدموع:- انت مشفتش العشم اللي كانت بتتكلم بيه وكأنها هي اللى مراتك كملت بغيظ وهي بتـ شـوح بأيدها وبتبص لفوق 

:- لا وبتقولي انتي مين آسفة مخدتش بالي قولت اسيبكوا انا بقى وكنت هبعتلكوا اتنين ليمون

عيسى:- شكلك انتي اللي عايزة الليمون دلوقتي يجنة وانا ونادين كل اللى بينا شغل وبس هي حاولت معايا كذا مرة بس كنت بصدها لاني مش هعرف احبها ولا احب حد تاني غير

قال جملته وسكت 

جنة:- غير مين 

عيسى:- مفيش

جنة ببكاء:- ايوا معناها ان فيه حد فى قلبك عشان كدا لا عارف تحب الحلوة اللي كانت هنا ولا حتى عارف تحبني

عيسى ببأبتسامة اظهرت وسامته اللي جنة تاهت فيها

:- انتي عايزيني احبك

دفنـ"ت راسها فى صدره وهي بتبعد عن نظراته ابتسم عليها بحب واتكلم بحنية 

:- ممكن تبصيلي

جنة:- لا هو انت بجد بتحب حد 

عيسى ببأبتسامة وهو بيحط ايده على خدها

:- بحب امي يجنة وبحب حنين ومراتي عمي صفاء

جنة:- مفضلش غيري فى العيلة كدا 

عيسى:- انتي تختلفي انتي مراتي حبي ليكي المفروض يكون مختلف بس قبل اي حاجه انتي بنت عمي 

جنة:- مش فاهماك

عيسى:- ولا هتفهمي المهم هتفضلي متبصليش كدا كتير

جنة جت تقوم بخجل: انا آسفة

عيسى مسك فيها وشدها عليه اكتر