عيالي تبرو مني
وفي بيت شيماء
الام:ارتاحتي كده قلبي وربي غضبان عليكي يا شيماء
شيماء: ليه علشان حبست اللي كانت عايزه تتجوز جوزي
الام:لا انتي عارفه أن كان جوزك طفس وهي كانت في الشارع
شيماء:بقولك اي بقي انا دماغي مش رايقه والنبي
الام:ربنا هيحاسبني علي اللي عملته في الست دي
شيماء:اه وصله النكد بدأت انا قايمه ارقص
الام:احترامي نفسك يابت جوزك لسه ميت وانتي عايزه ترقصي
شيماء:اه واول عريس هيجي هوافق عليه
الام:حوشي العرسان اللي وافقين طابور برا والباب خبط
شيماء:اول عريس جه اهو هههههههههههه وفتحت الباب كان ابراهيم
شيماء: معلم ابراهيم اتفضل
ابراهيم:اسف لو جيت في وقت غير مناسب
شيماء:انت تنور في اي وقت البيت بيتك
ابراهيم:ربنا يخليكي
شيماء: يا ماما ماما معلم ابراهيم صاحب المحل اللي كان شغال في ز0فت الط0ين وهو اللي واقف جنبي في القضيه
ابراهيم: انا قلت الحقيقه كان لازم الناس تعرفها
الام: لا والله فيك الخير حضرتك عايز حاجه تؤمر بحاجه يعني
شيماء: ايه يا ماما الكلام اللي انتي بتقوليه ده
الام: انت شايفه الوقت يسمح للزيارات دلوقتي
ابراهيم: والله انا مش جاي زياره انا جاي اطلب ايد مدام شيماء
الام: جاي تطلب يديها وجوزها ما عندهاش عن وفا0ته شهرين
ابراهيم:الحزن في القلب يا ست الكل بعدين وما كانش انسان كويس قوي يعني عشان هي تزعل عليه
الام: والهانم رايها ايه
شيماء:بصراحه المعلم ابراهيم الناس كلها بتشكر فيك وكفايه اللي عملوا عشاني
وفي السجن كوثر كانت عامله تعيط
مديحه: ارحم عينيك شويه حرام عليك
كوثر: والله العظيم انا ما عملت حاجه انا كل اللي عملته انا جبت مكنه خياطه بالقسط مش اكتر
مديحه: هو انتي عبيطه في حد يعمل كده
وطبعا اتاخرتي في القسط حبسك
كوثر:لا الموضوع اكبر من كده
مديحه:اي في اي احكي
كوثر:حكت ليها عالحوار كله
مديحه:انتي بجد هبله كده يابت ولا بيشتغلني
كوثر:والله ما بكدب عليكى دي الحقيقه
مديحه:الله يخربيتك ده انتي هتتكلي في الس2جن هنا ده انتي برا والناس عامله فيكي كده امال هنا هتعملي اي
وعدا سنه ومحدش راح زار كوثر من عيالها
مديحه:مالك فيكي اي
كوثر: البنات وحشتني قوي معقول نسيوني كده
مديحه: بكره هتخرجي ليه يا حبيبتي وتنوري الدنيا كلها
كوثر: خايفه اخرج والله مش عارفه اعمل ايه
مديحه: انا جبت لك شغل في دار مسنين
كوثر: هما هيرضو شغاله واحده كانت مح0بوسه
مديحه: ما تخافيش اختي هتظبط لك كل حاجه
وعدا ال 3سنين
كوثر:اخيرا هخرج من السجن وأشوف عيالي
مديحه:انا مش عايزكي تزعلي لو قابلوكي وح0ش
كوثر:لا حقهم بس مش لدرجه انهم ينسوني انا والله كنت محبوسه علشان كنت بجيب ماكينه خياطه علشان مصاريفهم
مديحه:حبيبتي ربنا يفرح قلبك وزي ما قولت ليكي دار المسنين اللي قولت ليكي عليها هتروحي تشتغلي فيها انتي بنت حلال
كوثر:ربنا يخليكي وخرجت كوثر وعرفت أن عيالها سابو الشقه وراحت ل بنتها الكبيره سماح بعد ما خدت العنوان من الجيران
سماح:ينهار اسود انتي اي اللي جابك هنا
كوثر:وحشاني يا سماح
سماح:انا امي راحت وجوزي عارف كده لو سمحت امشي
احمد:مين عالباب يا سماح
سماح:دي وحده جايه تمسح السلم يا حبيبي غوري بقي من هنا والنبي قفلت الباب سماح ودخلت
احمد:في حد يعمل كده الست كانت لسه واقفه
سماح:اعملها اي يا احمد
احمد:انتي بتتكلمي كده ليه
سماح:احمد انا مش ناقصه اوعي من وشي
حنان:هو فيه اي
احمد :اختك مش عارف مالها
حنان: طيب اهدي بس هدخل اشوفها مالها
احمد: انا نازل اجيب الغدا
ودخلت حنان الاوضه
حنان:مالك يا سماح انتي كل شويه تزعقي لاحمد كده
سماح:تعرفي مين اللي كانت عالباب امك
حنان:معقول حبيبتي يا ماما
