معاملة حماتي لي

شوشو$ انا مش قادره اصدق ان البنت العبيطه دي لحد دلوقتي فاكراك ان انت هتتجوزها معقوله البنت دي ساسجه 
قال للدرجه دي
سمير _ واكتر من كده يا شوشو هو انتي مش عارفه جوزك ولا ايه يا حبيبتي البنات بتدوب فيه
شوشو_ لا يا عين امك بلاش الكلام ده معايا انا دي مصلحه هناخد منها قرشين وهتروح لحالها انت فاهم ولا ايه
سمير _طب ايه رايك اخليها تاخد الشقه من جوزها وبعد كده اتجوزها شهر ولا اثنين وناخد منها الشقه
شوشو_ جدع يا سمير ابقى اعملها انت تحب عليا اه يا حبيبي انما تتجوز لا انت سامع ولا ايه
سمير _ خلاص يا حبيبتي دي بلاش عصبيه بقى مش عايزينها تنكد علينا

شوشو _ الا قولي ايه اللي خلاها مستعجله على الحوار ده اوعي يكون 
حصل حاجه بينك وبينها
سمير _ اخس عليكي يا شوشو اي اللي خلاكي 
تقولي كده بس
شوشو _ كنت حاسه انك موطي صوتك. وانت 
بتكلمها معرفش ليه

سمير _ لا لا يا حبيبتي ما تشيليش هم ده هي بتقول انها حامل من جوزها وانا قولتلها بلاش تنزليه دلوقتي
شوشو _ تمام لما نشوف اخرتها
وعدا كام يوم وروحت البيت وانا كنت تعبانه 
اوي وكنت نايمه علي السرير
مدحت _ قولتلك يا ماما كذا مره ما تمشيش منها ما حدش هيعرف ياخد باله منك الا انا يا حبيبتي الف سلامه

فوزيه _ والله يا حبيبي خالتك كانت شايلهاني في عيونها بس انا حسيت ان انا تقيله قوي عليها
مدحت _ صوتك تعبان قوي انا هبعت اجيب دكتور يشوفك وبعدها خرج كانت لقاء واقفه وقالتلي
لقاء _ الف سلامه عليكي يا حماتي حلوه قوي الشويتين اللي انتي عاملاهم دول
فوزيه _ نفسي اعرف انا عملت فيكي ايه عشان لسه المعامله اللي انتي بتعامليني بيها دي
لقاء _ والله يا حبيبتي انتي ما تستاهليش الا المعامله دي وبعدها بشويه دخل مدحت بالدكتور
الدكتور _ شويه برد الحمد لله بس 
خلي اكلنا الفتره دي مسلوق وبس معلش
مدحت _ اكيد يا دكتور حاضر اللي تشوفه