أحببت زين الصعيد
ياسين ببرود: مش بمزاجك ويلا حطي هدومك في الدولاب زي ما كانت وسابها ونزل
عند زين
يزن قاعد حاطط ايده علي خده: تفتكر ي بابا عملو اي
زين: والله يابني منا عارف
ادهم: والله حقها تمشي
زين: والله اخر مره هحذرك تتكلم كده انا قولت اهوه
ادهم: طيب ي بابا ولسه بيتكلمو لقو ياسين نازل وعليه علامات الغضب
زين: اي يا باشا اتصالحت
ياسين: لا النسوان مش بتتصالح بسهوله ي بابا انت سيد العارفين يعني
زين بصوت واطي: عندك حق والله
فرح بصتله بطرف عنيها: بتقول حاجه ي حبيبي
زين بسرعه: لا يا قلبي روحي بس شوفي سلمي
فرح: تمام وطلعت لقتها قاعده علي السرير
فرح: جدعه متمشيش بس نربيه وده بيتك هو اللي يمشي
سلمي: حاضر
فرح: بص ي ستي هقولك تعملي ايه وقعدو يخططو
بعد شويه ياسين طلع ملقهاش
نزل تاني يدور عليها سمع صوتها عند فرح اخته خبط ودخل
ياسين: ايه يا سلمي هتباتي هنا ولا ايه
سلمي ببرود: اه هبات هنا
ياسين: طيب يلا يا حبيبتي علي فوق علشان نتخمد
سلمي: قولتلك هبات هنا
ياسين: اممم وراح شالها وطلع بيها
سلمي بزعيق: ياسين نزلني بقولك نزلني انا مش عايزه انام معاك اوووف نزلني بقولك
ياسين نزلها علي السرير: والله لو ما بطلتي لاعمل حاجه هموت واعملها وغمزلها
بعد شويه طلعت
ياسين بصدم#مه:
بعد شويه طلعت سلمي وكانت لابسه قميص
ياسين بصلها بصدم#مه: يالهوي علي الحلاوه
سلمي اتجاهلته وراحت نامت علي الكنبه
ياسين: وحياة امك ياختي
سلمي بحده: ياسين متغلطش في امي سامع
ياسين: حاضر يا عيون ياسين بس تعالي هنا
سلمي: ياريت تخليك في حالك انا قعدت احتراما ل ماما وبعد كده هطلق
ياسين قام قرب من وشها: اقسم بالله لو سيرة الطلاق جات علي لسانك لاوريكي مش علشان بتساهل معاكي عشان انا غلطان سمعتي
سلمي زقته بقوه: لا مش سامعه
ياسين: خلي ليلتك تعدي ونامي
سلمي بعند: مش متزفته يا ياسين
ياسين: يا حول الله يارب يلا ي حبيبتي ننام
سلمي بنرفزه: روح نام حضرتك
ياسين: شلا عنك ما اتخمدتي وراح نام
سلمي عيونها دمعت
ياسين استني عبال ما نامت وراح شالها وحطها علي السرير وخدها في حضنه ونامو
الصبح
سلمي قامت غسلت ونزلت
ياسين صحي ملقاش هدومه ولا لقاها نزل تحت لقاها مع ابوه
ياسين: سلمي تعالي عايزك
سلمي ببرود: قايمه احضر الفطار مع ماما وقامت وسابته
ياسين بغيظ: شايف بنت اختك شايف
زين: حقها وتعمل اللي هيا عايزاه ولو مش عاجبك طلقها
ياسين بغضب: طلقها طلقها بابا محدش يفتح السيره الز’فت دي تاني وسابه وطلع
زين بضحك: والله العظيم انت ملكش حل بس هتربيك علي اللي عملته
يزن طلع باس ايد زين: صباح الخير ي بابا
زين: صباح الخير ي حبيبي انت رايح الشركه
يزن: ايوا متاخر وفي اجتماع مهم كمان ساعه مع شركة *** وانت هتروح الشركه التانيه صح
زين: طيب يا حبيبي استني ياسين ايوا هروح التانيه
يزن: لا همشي انا
ادم جه وباس ايد ابوه: ما تاخدني معاك عربيتي في الصيانه
يزن: روح مع ادهم يا حلو معلش انا مش فاضي وسابه ومشي
يزن لسه بيفتح الباب لقي يمني في وشه
