أحببت زين الصعيد
زين فتح لقي عمته: انتي بتخبطي كده ليه مش في بني ادمين نايمين يا عمتي
عمته: مرتك فين ستك قاعده تحت وشها مقلوب
زين باستغراب: ليه
عمته: علشان مرتك المفروض تعمل الفطور وتطلعه للعرسان قومها يلا بسرعه
زين حاول يتحكم في غضبه: تمام عشر دقايق وتكون تحت وقفل وراح عندها
فرح: خلاص يا زين هنزل واطلع مش هتاخر
زين: معلش يا حياتي
فرح ابتسمت وقامت نزلت لقت جدته قاعده: لسه فاكره تقومي الساعه بقت 7 وجنابك نايمه
فرح من تحت درسها: انا سهرانه ب ابني طول الليل ولسه نايمه من شويه هروح هحضر الفطار واطلعه وسابتها ومشت
جدة زين: والله لازم اخليه يطلقك ويرميكي يا بومه
فرح سمعتها ومردتش عليها راحت حضرت الفطار وطلعت خبطت
حمزه بابتسامه: صباح الخير يا مرت اخوي
فرح: صباح الورد يا عريس الفطار اهوه هنزل انا علشان العيال
حمزه: معلش تعبناكي
فرح بابتسامه: مفيش تعب ولا حاجه تتهنو يارب ونزلت وحمزه قفل الباب ودخل
حمزه: رضوي قومي كلي
رضوي: حاضر
قامت كلو ودخلو يلبسو علشان ينزلو
عند فرح دخلت الاوضه بتنفخ راحت نامت في حضن زين
زين: حاجه حصلت
فرح قلدتها وقالت: والله لاخليه يطلقك ويرميكي يا بومه انتي
زين ضحك: معلش استحمليها وانا هاخدك وننزل القاهره شويه
فرح بسعاده: لا متهزرش
زين بضحك: والله ولسه هيكمل ياسين عيط
فرح ضحكت: هي مش مكتوب نوم اصلا قوم علشان ننزل
خلصو ونزلو شويه وحمزه ورضوي نزلو
جدة زين: بسم الله ماشاء الله ايه القمر ده تعالي في حضني اكده كيف القمر مش زي ناس وبصت علي نفس
فرح بصت ل زين وسكتت
كله جه يبارك ل حمزه ورضوي واليوم خلص
قبل ما زين يطلع ينام مصطفي نده عليه
زين: خير يا مصطفي مالك
مصطفي: احم زين احنا بقالنا كتير مخطوبين واخوك خطب واتجوز قبلي
زين: مش دلوقت يا مصطفي هي لسه صغيره
مصطفي بزعيق خفيف: هو ايه اللي مش دلوقت وريم مش صغيره
زين بحده:مصطفي اتكلم ب ادب وبلاها الجوازه دي ودهبك هيجيلك الصبح وسابه وطلع
فتح الباب ورمي العبايه بتاعته
فرح:مالك يا زين
زين مليش يا حياتي عايز انام بس
فرح:طيب يلا ننام
زين:يلا وخدها في حضنه ونام
عند مصطفي رن علي ريم تطلعله الجنينه
ريم: في ايه يا مصطفي مالك مطلعي ليه
مصطفي حكالها كل اللي زين قاله
ريم بدموع: انت هتسبني صح
مصطفي سكت ومردش عليها وهي دخلت ل جوه جري وكانت بتعيط
الصبح فرح قامت قبل زين وقعدت تبصله
زين فتح عينه بكسل: بتبصيلي كده ليه يا بت
فرح: امم بحبك
زين: لا دا احنا نقوم نتعدل بقا ونشوف الرومانسيه دي
فرح ضحكت: لا نام وانا هنزل تحت قبل ما يطلعو يكسرو الباب ولا حاجه
زين بضحك: طيب يا حبيبتي انزلي وانا هخلص وانزل علشان ماشي
فرح باسته وقامت: ماشي يا عيوني هدومك متحضره جوه ونزلت وزين قام
فرح نزلت ملقتش حد: الحمدلله زمانها مخموده لسه اما اروح اقوم ريم
خبطت علي ريم ودخلت
فرح بخضه: فيه ايه يا بنتي عيونك حمرا كده ليه وبتعيطي ليه
ريم حضنتها عيطت: زين قال ل مصطفي نلغي الجوازه دي
فرح بصدم#مه: بتهزري ليه حصل ايه طيب
ريم حكتلها اللي مصطفي قالهولها
