أحببت زين الصعيد
طلعت الممرضه ادتهم الولدين واحد ل ريم والتاني ل زين
زين بلهفه: طيب وفرح
الممرضه: كويسه جدا وهتطلع دلوقتي اوضه عاديه
زين اول ما شافهم دمع وكبر في ودنهم
نقلو فرح اوضه عاديه وكلهم دخلو وزين قعد جنبها
فرح بهلوسه: لو مت اوعك تتجوز بت عمتك العقربه يا زين
زين: يخرب عقلك ي شيخه
ريم ضحكت: والله مراتك دي مجنونه
فرح بدأت تفوق: اااه
فرح: عيالي فين متتكلمش معايا لو سمحت
زين جابلها الولدين: هاا هنسمي ايه
فرح: يزن وياسين
زين ابتسم ليها: حلوين زي امهم
فرح عملت نفسها زعلانه زين ميل عليها وهمسلها: زعلانه اصالحك في بيتنا وغمزلها
فرح طلعت من المستشفي وروحت البيت زين حطها علي السرير براحه
سميحه: انزل نام تحت يا ولدي انا وريم هنام هنا علشان نغير ليها هدومها ونوكلها
سميحه:مش هتعرف يا ولدي
زين: والله هعرف
سميحه: طيب ريم هتطلعلها الوكل ونزلو
زين قرب منها: حمدلله علي سلامة القمر بتاعي
فرح بصت الناحيه التانيه
زين شالها: غيري وتعالي نتصالحو
دخلها الحمام وغيرت وشالها نيمها علي السرير براحه ودخل هو كمان غير طلع لقي ريم قاعده توكلها
زين: هاتي يا حبيبتي وانا هوكلها انزلي نامي زمانك تعبتي
ريم: طيب تعالي وانا هاخد ياسين اسكته
زين وكلها وريم سكتت الولد ونزلت وهما نامو
تاني يوم الباب خبط وزين قام فتح بالراحه
ريم: اهل مرتك تحت عايزين يشوفوها
زين: طيب هصحيها وربع ساعه وخليهم يطلعو
زين راح صحاها وغسلها وشها وعدلها
اهلها طلعو امها حضنتها وابوها وشال الولاد
فضلو معاها لاخر اليوم..
جه يوم السبوع الصبح
زين: صلاح ادب*ح العجول يلا
فرح ندهت عليه من البلكونه ومخدتش بالها انها بشعرها
زين بصلها وهي دخلت تجري طلعلها فوق
زين: عارفه انا مش هنكد عليكي دلوقت بسبب اللي عملتيه بس هحاسبك بعدين
فرح: حبيبي والله مخدت بالي
فرح بزعل: مش عايزه يا زين
زين: يكون احسن ونزل وسابها
ريم طلعتلها لبسو الولاد وهي لبست ونزلو كان الليل جه والسبوع بدأ
فضلو يغنو والناس تدي فرح هدايا
حمزه اداها انسيال وقال بابتسامه: مبروك يا مرت اخوي يتربو في عزكم حبايب عمهم
فرح بابتسامه: الله يا حمزه جميل عقبال ما اجيب ل مراتك يارب
زين جه وطلع سلسله دهب مكتوب عليها يزن وياسين
فرح بصتله بسعاده: الله تعيش وتجيبلي يا حبيبي
زين اداها السلسله: هلبسهالك فوق بقا وغمز وامه وريم ضحكو وهو طلع بره
السبوع خلص وهما خدو الولاد وطلعو
فرح: ااه تعبت مش قادره بالله مش قادره وجعانه
زين: انتي مكلتيش اكيد عارفك والله مهمله هنزل اجيب تكوني غيرتي انتي والولاد ونزل
فرح قامت غيرت هدومها ولبست بجامه وغيرت للولدين وحطتهم في سرايرهم كان زين جه
زين: يلا تعالي
فرح راحت قعدت جنبه وكلو
زين: اه كان بينا حساب بقا انك طلعتي بشعرك
فرح باستعطاف: زين والله مخدت بالي واخر مره والله والله اخر مره
زين:تؤ تتعاقبي عقاب بسيط كده علشان تفتكري
فرح:طاب الصبح بس خلينا ننام دلوقت تعباانه
زين:امم ماشي وشالها حطها عالي السرير وخدها في حضنه ونامو شويه ويزن عيط زين قام علي عياطه بص علي فرح لقاها رايحه في النوم قام شاله لحد ما نام وحاطه في سريره ونام هو كمان
الصبح
زين: فرح قومي حضري هدومي علشان امشي
فرح بنوم: بالله حضرهم انت مش قادره
زين بزعيق: فرح قووومي
فرح قامت نطت من علي السرير وحضرت لبسه وهو لبس وباس رأسها ومشي وهي كملت نوم
عدي أسبوعين وفرح نزلت تحت وكانت بتقعد معاهم لحد ما زين ييجي عشان يساعدوها
زين: بما انكم كلكم متجمعين كده انا قررت اننا نخطب ل حمزه رضوي بت مسعود
حمزه بصدم#مه: كيف يعني ياخوي انا مبحبهاش
زين: هتحبها بعدين يا حمزه
حمزه بزعيق: علي جثتي لو اتجوزتها سامع
زين قرب منه وضرب’ه بالقلم: بتعلي صوتك عليا وبتقف قدامي ايه رايك بقا هتتجوزها غصب عنك
حمزه بصله مشي بغضب من قدامه
سميحه: تعالي يا زين جوه وقامت وهو راح وراها
سميحه بلوم: بتض’رب اخوك قدامنا منظره ايه بقا لما يرجع هو مش عيل صغير يا ولدي هو غلط لما علي صوته بس مكنش يصح
زين بندم: والله ياما مقصدتش حاجه حمزه ومالك عيالي انا مربيهم بس ميقفش قصادي انا كلمتي بتمشي علي الكبير والصغير في البلد
سميحه قاطعته: عارفه ياولدي ولما ييجي هخليه بتأسفلك بس انت كمان راضيه
زين انتهد: حاضر ياما هطلع اشوف العيال
طلع وفرح طلعت وراه لقته قاعد علي الكنبه وحاطط ايده علي دماغه نيمت الولاد وراحته حضنته
فرح: حبيبي مكنش ينفع كده
زين: عارف بس هو غلطان والبت كويسه وحلوه
فرح بغيره وبعدت عنه: وحضرتك شوفتها فين بقا ان شااء الله
زين ضحك بغلب وشدها تاني: تعالي بس والله ما يملي عيني غيرك يا ام العيال
فرح ضحكت: امم بحسب يلا قوم بس خد دش وتعالي
زين: ماشي طلعي هدوم يلا
تحت سميحه قاعده مستنيه حمزه لقته داخل
سميحه: حمزه تعالي
حمزه راحلها: نعم ياما
سميحه: ينفع اللي حصل ده
حمزه: ياما انا مش عيل صغير تجوزوني غصب عني
سميحه: انت شوفتها والله غلبانه وهتحبها قوي قوي والله اخوك مبيخترش غير الحاجات الحلوه اسمع مني
حمزه بتنهيده: ماشي ياما
سميحه بحنان: قوم بقا راضي اخوك مكنش ينفع تقف قصاده اكده ده هو اللي مربيك
حمزه: ماشي ياما طالعله
و طلع خبط عليه زين فتحله وبص بعيد
حمزه: اسف ياخوي وانا موافق واللي تأمر بيه ولسه هينزل زين شده حضنه
زين: انت ابني يا حمزه انت ومالك عيالي
و كمل وانا كمان اسف اني مديت ايدي عليك
حمزه بابتسامه: ولا يهمك ياخوي انت ابويا هنزل انام بقا
زين بابتسامه: ماشي
حمزه نزل وزين قفل الباب…
