جمعهما الحب

ينظر اليها انا كنت عايز اتقدملك من اول ماشوفتك بس كنت خاېف اترفض لانى زى مانتى شايفة على قدى ولا اهل ولا مال ومفيش بنت هترضى تتجوز واحد مقطوع من شجرة
فاطمة غير مصدقة هل يعنى ذلك انه احبها انه ارادها زوجة له هل استجاب ربها لدعائها فقد ابقت حبه سرا بينها وبين ربها حتى كافئها ربها به ارتسمت بسمة على شفاتها شيئا فشيئا يعنى انت مش مجبور
حسن مبتسما لا بس انا عايزة اخد رايك فى حاجة
فاطمة ايه هى
حسن نكتب كتب الكتاب مع الخطوبة علشان نضمن اننا منعصيش ربنا واحنا مش واخدين بالنا
فاطمة احمرت وجنتاها خجلا قول لبابا وشوف هو هيقول ايه وخرجت سريعا الى غرفتها واسندت ظهرها الى الباب ووضعت يدها على قلبها وتقول بفرحة طلع بيحبنى طلع بيحبنى وذهبت لتصلى الى ربها شكرا على استجابته لدعائها

حسين ها يابنى خلصتوا
حسن اه ياعمى ايه رايك نكتب الكتاب مع الخطوبة وفلوس الفرح نعمل بيها عمرة علشان ربنا يبارك لينا
حسين اذا كان عليا موافق انما برضو لازم اسال فاطمة واللى فيه الخير يقدمه ربنا
حسن ماتروح تسئلها دلوقتى ياعمى الله يخليك
حسين بضجكة ايه ياواد انت مدلوق كده ليه ههههه حاضر هروح اسالها
حسين فاطمة يافاطمة
فاطمة نعم يابابا
حسين ايه رايك فى حسن وايه رايك كمان نكتب اكتاب مع الخطوبة كله مع بعض
فاطمة بخجل......
حسين ها يابنتى قلتى ايه
فاطمة اللى تشوفه يابابا
حسين بخبث ياعينى عليك ياحسن هيزعل اوى لما اقوله انك مش موافقة يلا اهى قسمة ونصيب
فاطمة بسرعة انا مقولتش كده
حسين يعنى افهم من كده انك موافقة
فاطمة بخجل اكبر يوه بقى يابابا ايوا موافقة
حسين بركاتك ياسى حسن هههههه
ذهب حسين الى حسن الذى كان خائڤا من ان ترفض
حسن ها ياعمى قالت ايه وافقت ولا مش وافقت لو و
حسين بضحكة حيلك حيلك يابنى فى ايه انت اتلسعت ولا ايه
حسن بخجل اعمل ايه ياعمى بحبها
حسين خلاص ياعم انا اخدت موافقتها ووافقت كمان على كتب الكتاب
حسن بسعادة كبيرة بجد ياعمى ربنا يخليك لينا ياحمايا
...
وافق حسين على الخطوبة وكتب الكتاب معا كانت فرحة حسن لاتقدر كان يحس بانه يحلق فى السماء ظل ليله يحمد الله على هبته له تلك الزوجة العفيفة النقية الجميلة ولكن كان هناك مايعكر صفوه لطالما تاق الى مشاركة ابيه وامه معه فى هذا اليوم لذلك عزم على الذهاب لقريته وابلاغ والده لعل قلبه يحنو عليه ويعود الى رشده ابلغ حسين بذهابه وشجعه على ذلك فى الحقيقة عرف حسين معدنه عرف انه كما يطلق ابن حلال شهم غير ناكر للجميل لذلك لم يكن قلقا البيتة على ابنته لانه علم انها ستكون بين ايدى امينة
ذهب حسن الى قريته ووقف امام بيته قائلا بسام بسام
جاء الحارس قائلا
بفرحة سى حسن ازيك ياسى حسن ده البيت وحش اوى من غيرك
حسن الله يسلمك افتح البوابة
بسام بارتباك الصراحة ياسى حسن الحاج علام منبه عليا انى مدخلكش اسف ياسى حسن مش بيدى
حسن يتنهد معذور يابسام طيب روح ادى ابويا خبر
ذهب بسام الى علام واخبره وسرعان ماخرج هو وفرحة
علام بفرحة كنت متوقع انك هتيجى واحتضنه
حسن يزيد من قوة احتضانه وهو يقول بس انا جاى اعزمك على فرحى
صدمة ظهرت على وجه علام ابعده پعنف يعنى عصيت امرى وكمان هتتجوز من غير شورى وپصرخة اطلع بره اطلع بره
حسن بهم يابويا ده انا ابنك يهون عليك متحضرش فرحه وانتى ياامى قوليله حاجة
فرحة بقلة حيلة وانا اجدر اعمل ايه يابنى ان كان عليا انا بمۏت كل يوم وانت بعيد عن حضنى كل يوم اروح اوضتك وادور عليك والتفتت الى علام وامسكت بيده وتقول انا وقفت معاك فى الحلوة والمرة انا عمرى مطلبت منك حاجة كنت عايشة وشاكرة ربنا الله يخليك ارضى عنه ياعلام بطل العند ده
علام پصرخة ارعبت الجميع انتو ايه مبتفهموش اجولها تانى اطلع بره وانت ولا ابنى ولا اعرفك
حسن واضح ان مفيش فايدة عن اذنكم
فرحة استنى ياحسن انا هاجى معاك
علام لو رجلك عتبت بره البيت تبجى طالج يافرحة
فرحة لم تفعل شىء سوى البكاء ذهب حسن اليها وضمھا وهمس باذنها خليكى ياامى ومټخافيش وان شاء الله هجيلك المرة الجاية ومعايا اولادى واول بنت هسميها فرحة على اسمك ياغالية واول ولد هيبقى ورد على اسم اخويا اللى طمع ابويا حرمنا منه وقبل جبهتها وقال اشوف وشك بخير
عاد حسن ادراجه ولكن احس بحركة غريبة فيه ايه ياعم شوقى
عم شوقى الحق ياحسن يابنى الحاج حسين باين عليه بيودع
جرى على المنزل بسرعة كبيرة ودق الجرس
فاطمة پخوف مين
حسن انا حسن يافاطمة افتحى فى ايه
فاطمة فتحت بسرعة وتبكى الحق بابا ياحسن بېموت ھيموت ويسبنى مش عارف يطلع نفسه
اسرع حسن الى الغرفة وجد حسين وجهه شاحب كالمۏتى عمى عمى فوق اسند عليا نروح المستشفى بس
حسين هات الماذون وتعالى بسرعة ياحسن معدش وقت
حسن بقلق ماذون ايه دلوقتى ياعمى اسند بس عليا
حسين برفض والله مهتحرك من هنا هات الماذون بسرعة بسرعة ياحسن
لم يستطع حسن اقناع حسين بالذهاب الى الدكتور ولذلك نفذ طلبه واحضر الماذون وتم زواجهما بعد ذلك قال حسين حسن يابنى ربنا يشهد انك عندى زى ابنى واكتر انا حبيتك فى الله علشان كده امنتك على اغلى حاجة عندى فاطمة خلى بالك منها ياحسن اوعى تنام فى يوم وانت مزعلها دى وصيتى ليك يابنى والټفت الى فاطمة وانتى يابنتى خلى بالك منه وحافظى عليه واتقى ربنا فيه عمرك مهتلاقى واحد طيب وشهم زى حسن معلش يابنتى كان نفسى اشوفك بفستان الفرح
قال كل ذلك وفاطمة تبكى وتبكى وحسن يحاول ان يمنع دمعته من النزول قال ان شاء الله ياعمى هتعيش وهتشوفها بفستان فرحها وهتفرح ببيها وباولاده وان شا...
قطع كلامه حسين وهو يشهق يحاول ان ياخذ نفسه
حسن قول الشهادة ياعمى قولها
حسين وهو فى اللحظات الاخيرة اشششهد ان لا اله الا الله وان محمد رسول الله
وفاضت روحه الى برائها
فاطمة تبكى لا بابا قوم بابا قوم انا مليش حد غيرك متسبنيش لوحدى قووم وا...
اسرع حسن باجتذابها اليه وضمھا وقال وقد خانته دمعة ونزلت على خده خلاص يافاطمة وحدى الله ربنا اخد امانته متعذبهوش احنا مش بادينا حاجة الا اننا ندعيله وانا ان شاء الله هطلع صدقة جارية ليه
مضت ايام العزاء وفى تلك الاثناء كان حسن قد حجز للعمرة وجاء الموعد المحدد وسافر حسن وفاطمة لادائها ولم ينسوا الدعاء لحسين ذلك الاب الرائع بالنسبة لفاطمة وحسن وعادو سريعا
حسن فاطمة انا مرضتش اقولك نروح شقتنا الجديدة علشان كنت مقدر الظروف اللى عدت احنا هننقل بكرة ان شاء الله
فاطمة بس ياحسن انا مش عايزة اسيب بيت بابا
حسن وانا مش هقبل اعيش فى بيت مراتى انا اشتريت شقة صغيرة على قدنا
فاطمة ياحسن انت كده كلفت نفسك ماهو البيت جاهز اهو وكنا نسيب الفلوس للظروف
حسن يحاول ان يتماسك لكى لا يغضبها ياحبيبتى انا الراجل وانا جوزك من حقى انى اعيشك فى شقة
تكون ليكى لوحدك من حقى انى اصرف