قصة تزوجت من ابن صاحب ابي كامله
ابعدي عني طول ما أنا في البيت متكلمنيش ولا عاوز اشوف وشك لأن كل ما اشوفك ببقي عاوز اقتلك
زعقت ودموعي علي خدي:انت لية بتعمل فياااا كدة عملتلك اية هاا فهمني انا عملت اية انت بتزعقلي وبتكسرني لية قولي غلطي انا عمري ما اتخيل اني أذيك ولا اني أذي حد لية تأذيني بالشكل ده ليييه
محستش بنفسي غير وانا قاعدة في مستشفى ومعلقينلي محاليل لقيته قاعد جمبي وماسك ايدي وبيقول
“برغم اللي عملتيه لسة بحبك ولسة خايف عليكي لسة بحب ملامحك وضحكتك مش عارف اتخلص من حبك كأنه سم بيجري في عروقي ” بصيت ناحيته انتبه اني صحيت بس معرفش اني سمعت قالي وهو بيسيب ايدي وبيتصنع اللامبالاة: هروح اجيب الدكتورة تشوفك
الدكتورة كتبتلي انصراف وروحنا وكل واحد دخل أوضته ومتكلمش مع التاني
_ايه الصوت ده
قومت افتح للي بيخبط
لقيته داخل هو وواحدة في ايده وبيقولي:
لقيته داخل وفي أيده واحدة وبيقولي:اية مش هترحبي بيا انا وخطيبتي ولا اية؟
مش هترحبي بيا انا وخطيبتي ولا اية؟
بصيتله وانا حاسة اني عاوزة اجيبها من شعرها بس هديت نفسي وعملت وش القوة وقولت:اه اهلا وسهلًا
قالتلي بمياصة:اهلا بيكي
أسر بصلي بصدمة كدة زي ما يكون مش متوقع ثباتي الانفعالي ده
بس انا عندي ثبات اكبر من بتاع ويجز نفسه امااال يا جماعه
أسر:اه طيب لو تعمليلنا حاجة نشربها ولا اية ياحبيبتي
لقيت العقربة بتقوله:اه يا حبيبي
قولت:لا انا اسفة صراحة كان نفسي اخدمكم وكدة بس انا مش الفليبنيه اللي جابتها امك عذرا يعني لأمك بس تقدر تدخل تعمل اللي نفسك فيه وتشربوا عادي جدا
أسر: مفيش مشكله يلا يا حبيبتي نخش نعمل حاجه نشربها
لقيته دخل هو والعقربة اللي معاه المطبخ
وانا دخلت اوضتي وانا مضايقة وقولت:عناد بعناد يا أسر بقي
وطلعت طقم حلو قصير شوية بس خلي شكلي جميل وحطيت حبه ميكب بقيت حلوة اوي
علا: الصراحة يا أسر فشلت ميه في المية وهي متأثرتش
أسر: مش مشكلة هنغيظها اكتر
فجأة سما طلعت وهي متشيكة بقي وقالت
:تحبوا اساعدكوا في حاجة
أسر بصلها بصدمة وهو مذهول من جمالها وقد اية هي حلوة قال في سره”اية القمر ده بس”
بعدين سيطر علي نفسه وقال:لا مش عاوزين مساعدة
علا ردت:اه يا حبيبي مش عاوزين
سما في نفسها:لا بقي انتي مش هتسكتي الا مجيبك من شعرك
سما:تمام يا جماعه خدوا راحتكوا البيت بيتكوا وابقوا اعزموني علي الفرح يا حبايبي الف مبروك.
ودخلت اوضتها بلامبالاه مصطنعه وهي جواها بتغلي
علا: المفروض بقي
أسر:أنا قولت انك نحس يا علا الكلب
علا:يا ابني بقي احترمني انا صاحبتك بردو في اية
أسر:كان نفسي افهم عقلي فين وانا بكلم واحدة زيك
علا:أسر وربنا هفضحك قدامها
أسر:اششش اسكتي يخربيت كدة ده انتي فضيحة
علا: خلاص سكت بس قولي بقي لية بتعمل فيها كدة وعاوزها تضايق ليه
أسر: عشان جرحتني يا علا جرحتني اوي اوي وللأسف لسة بحبها علا:عملت اية
أسر:هبقي اقولك بعدين يلا انتي بقي روحي عشان الخطة فشلت ونبقي نشوف حل تاني بكرة
علا مشيت وأسر راح لسما يكلمها
بس قبل ما يخبط سمعها وهي بتشهق من كتر العياط
