رواية منتقبة ولكن

خمس دقايق ونزلت فتحتلها.. باب العربيه..

وقولتلها شايفه الشوارع فاضيه ازاي.. تقدري تطلعي ايدك من شباك العربيه وتاخدي نفس...

اسراء: واو بجد الجو حلو اووي... ايه الاحساس القمر ده..

نزلت وفتحت باب العربيه.. وهى كمان نزلت..

قولتلها انا مراتي دكتوره؟!

اسراء بضحك: باين كدا...

شايفه الصيدليه ال هتاك دي ي اسراء

اسراء: اه يا ادهم.. ف وش البحر..

انا: تعالي نجرب نفتحها..

اسراء: نفتح حاجه مش بتاعتنا يا ادهم..

انا: هنسمي ولو اتفتحت تبقا بتاعتنا..

تعالي بس.. امسكي المفتاح وافتحي كدا..

مسكت المفتاح والمفتاح فتح..

بصيتلي بأستغراب..

قولتلها.. هتشتغلي دالوقت ف صيدليتك.. انا محبش مراتي تشتغل عند حد..

اسراء: انت بتتكلم بجد يا ادهم..

انا: اصلك انتي الي كسبتي الرهان..

اسراء: بس الرهان حرام وانا مكنتش عاوزه حاجه..

انا: بس انا حبيتك...

اسراء بعياط: طول عمري كنت مستنيا عوض ربنا يا ادهم.. بس مكنتش متوقعه انه هيبقا بالحلاوه ديه.

(احيانا يكون عوض الله بعد الصبر أعظم انتصار.. وكأن روحك تحلق فى السماء من دون اجنحه)