جوزي بعد ما ماټ
انت في الصفحة 1 من 6 صفحات
بعد جوزي ما ماټ اخواته ظلموني انا وبنتي
وقبل ما نبدأ حكايتنا النهارده اعرفكم علي بطلتنا النهارده واللي اسمها تهاني وعندها خمسة و تلاتين سنه متجوزه وعايشه مع جوزها في بيت عيله مع سلايفها اللي كل واحد فيهم عايش في شقه لوحده مع مراته وعياله
وفي يوم كان حسن جوزها واخواته قاعدين مع بعض في شقتها وهي حطت الشاي قدامهم وقالت ..
اتفضلو يا جماعه الشاي وبالراحه الكلام بالعقل مش كده
يوسف
هو فين العقل بس في الكلام اللي بيقولو جوزك ده جوزك يا ام نور عايز ياكل حقنا في ابونا اللي قابل وجه رب كريم من كام يوم يبقي بزمتك يا شيخه مين فينا اللي مش بيتكلم بالعقل
حسن
ما حدش ليه عندي ابويا كتبلي كل حاجه بيع وشړا قبل ما يتكل علي الله وعمل كده لما شافني انا واقف في ضهره والفلوس اللي انتو جايين وعايزين تاخدوها دي حقي انا اللي تعبت وشقيت عليها معاه وما حدش هياخد منها ولا قرش غيري انا
بس ربنا ما قالش كده يا حسن كده ما اتقسمش بعدل ربنا المفروض يتقسم علينا احنا التلاته بالظبط وكل واحد ياخد حقه انما انت بكلامك ده بتظلمنا يا جدع اتقي الله شويه
حسن وقف وقالهم
وانا ده اخر كلام عندي واللي ليه حق يوريني الورق اللي يثبت ان ليه حق ووقتها هبقي اديه ليه انما كلام فاضي انا بقي مش فاضيلكم واعملو حسابكم الشقق اللي انتو قاعدين فيها دي كمان بتاعتي وانا من حقي في اي وقت اطلعكم منها فياريت تنجزو وتدورو علي مكان تاني
كمان وصلت لكده يا اخويا عايز تطلعنا احنا وعيالنا من بيوتنا انت ايه ليه الشړ والطمع ده كله ده احنا اخواتك وطول عمرنا حبايب ليه تعمل فينا كده بس وتخرب بيوتنا
حسن
والمثل بيقول ان كنتم حبايب اتقاسمو يا استاذ يوسف والحق ما يزعلش حد ولو عنكم كلام تاني روحو لابوكم قپره وقلولو ليه كتبت كل حاجه بأسم حسن
انا اقولك ليه لانك انت طول عمرك قاعد معاك ومكرهه فيا وفي الغلبااان ده طول عمرك مبيلنه اننا بنصرف ومش بنخااف علي الجنيه زيك وانت يا حرام قلبك عليه وعلي الفلوس والله واعلم انت قولتله ايه يخليه يعمل العمله المنيله بستين نيله دي
راح حسن وفتح الباب بتاع الشقه وقالهم
شرفتونا ياريت بقي ما تكررهاش تاني انا مش عايز اشوف وشكم تاني في بيتي وقدامكم اسبوع وتمشو من البيت كله والشقق بتاعتكم دي انا هبيعها لنااس تانيه
طيب عشان خاطري يا حسن انا ابني مريض وكنت محتاج فلوس وابويا كان هيديهم ليا بس امر ربنا نفذ وانا عشان اعمله العمليه والا هيروح مني انا لازم في ظرف يومين اعمله العمليه
حسن
هو انا اللي ابوه ولا انت وانا مش لاقي الفلوس دي في الارض عشان ابعزق فيها يمين وشمال ن اتصرف وهاتلك قرض او استلف من حد غيري انما انا لا بحب السلف ولا هحبه معاكم انتو بالذاات
يلا بينا يا يوسف ده واحد الطمع عمااه واللي زيه الكلام معاه خساره انت بس فوض امرك فيه لربنا وقول حسبي الله ونعم الوكيل
قال كلامه واخد اخوه ومشي وحسن قفل الباب وراح قعد شغل التلفزيون وقال لتهاني مراته
حسن
هي نور فين روحي اندهيلها يا تهاني تقعد معايا واعمليلي شاي يا حبيبتي
تهاني
والله يا حسن ليك نفس تتفرج علي
