جوزي وصاحبه كامله بقلم هويدا زغلول

الجزء الأول
وقبل مانبدا حكايتنا اعرفكم على بطلتنا اسمها هند عندها 35 سنة كانت متجوزه ومعاها ولدين لحد ما في يوم رجعت البيت عند امها وقالت لها
الحقيني ياماما انا اتطلقت خلاص حسن طلقني التلاتة
الام
يلهوي اطلقتي ليه يابنتي اي اللي حصل بس بينك وبين جوزك تطلقي كده
هند
طلقني عشان بطلب منه فلوس عشان عيالة انتي عارفاه بخيل ومعفن وانا كنت مستحملاه وعايشة معاه في سواد وقرف

الام
طيب وهتعملي ايه دلوقتي هتروحي فين بعيالك دول بقا ها انا المعاش ياختي مش بيكفيني اصلا لوحدي عشان تيجي انتي وعيالك تقاسميني فيه
هند
متقلقيش ياماما انا هدور على شغل واشتغل هعمل ايه يعني فوضت أمري لله
الام
ايوه انتي كده زي الشاطرة تنزلي تدوري لك على شغلانة تاكلي منها انتي وعيالك وإياكي تيجي تقولي لي عايزة جنية واحد
هند
حاضر ياماما انا مش هاقولك عايزة فلوس ولا هطلب منك حاجة ومن بكره الصبح هنزل ادور على شغلانة بس يارب الاقي بقا شغل الناس كلها بتشتكي من قله الشغل
الام
انتي دوري وان شاء الله تلاقي عشان اصلا خلاص مبقاش قدام حل تاني غير انك تشتغلي يابنتي
وبعدها بكام خرجت هند عشان تدور على شغل وقابلتها واحدة صاحبتها في الشارع وقالت لها
مين بت ياهند ازيك يامنيلة انتي نستيني ولا ايه اخس عليكي يابت واطية
هند
مين سها ازيك ياسها عامله ايه ياحبيبتي والنبي انتي وحشانى اوي معلش والله الدنيا وظروفي مخليني مش شايفه قدامي
سها
ليه بس ياحبيبتي ايه اللي حصل ومالك كده احكي لي
هند
مفيش ياسها اقولك ايه بس انا اصلي اتطلقت وجبت العيال وقعدت بيهم عند امي وانتي عارفه اني غلبانة ازاى ومش هتقدر على مصاريفي انا وعيالي وقولت انزل ادور على شغل اهو يساعدني في المعيشه
سها
ياحبيبتي ازاى ياهند تبقا ظروفك كده ومتكلمنيش لا ملكيش حق علي العموم انا هاشوف لك شغلانة في المصنع اللي انا بشتغل فيه وان شاء الله الاقي حاجة كويسة
هند
بجد والنبي ياسها انشالله يخليكي ليا ياحبيبتى والله ما عارفه اقولك ايه ربنا مايحرمني منك يارب
سها
متقوليش كده يا هند احنا اخوات يابنتي وانا وانتي واحد طبعا ربنا يديم المعروف يارب
هند
يارب خلاص انا هستنا منك تليفون بقا ويارب مامتنسيش
وبعد يومين اتصلت سها بهند وقالت لها
ايوه ياهند ياريت تيجي ياحبيبتي عشان تستلمي الشغل الحج صاحب المصنع وافق يشغلك معانا يابت
هند بفرحة 
الهي ربنا يسعدك ياسها ياحبيبتي منحرمش منك ياغالية يارب
سها 
انا هستناكي بقا تعدي عليا عشان نروح سوا ماشي
هند 
انا من النجمة هاكون عندك ان شاء الله وربنا يقدم اللي فيه الخير يارب
وقفلت مع سها وامها قالت لها 
ها ياهند لقيتي شغل يابنتي
هند 
ايوه ياماما الحمد لله لقيت شغلانة كده في مصنع مع واحده صاحبتي هاروح بكرة عشان استلم الشغل هبقا اسيب العيال معاكي بقا لحد لما ارجع
الام 
ماشي يابنتي ربنا يوفقك يارب ياهند وتشتغلي كده شغل حلو من اللي بيجيب فلوس حلوه ده
هند 
ان شاء الله مش هخليكي محتاجة حاجة لا انتي ولا العيال
وراحت هند المصنع واستلمت الشغل والراجل كان مبسوط منها في الشغل جدا وفي يوم كانو قاعدين استراحة وسها قالت لها 
احكي لما بقا ياهند جوزك كان عامل معاكي ايه يابت وقولي لنا حكابتة ايه
هند 
قطع وقطعت سيرتة ياسها انتي عايزة تقلبي عليا المواجع ليه ياختي
سها 
يابت اهو اديني بندردش مع بعضنا وبنضيع الوقت يووه
ردت واحدة من صحباتهم اللي معاهم وقالت 
احنا كل واحده فينا هتحكي اللي حصل في بيتها ده انا يابت ياهند كانت عندي حما بورررية منها تتفات لها بلاد ياختي
هند 
ياختي وانتي هتقولي لي ما أنا كمان حماتي كانت حربوقة وليه عقربه وقوية يلا منها لله هي السبب في طلاقي من جوزي
سها 
طيب احكي لنا بقا ايه اللي حصل معاكي منها يابنتي
هند 
دي في مرة كنت راجعة من بره وشافتني
فلاش باك 
الحما 
انتي كنتي يابت ياهند انا ندهت عليكي كتير وانتي مش موجوده عيالك مغلبني وعاملين لي دوشة في دماغي ياختي
هند 
معلش ياحماتي اصل كنت عند امي أصلها بعافية شوية
الحما 
وايه الكيس اللي معاكي دي فيها ايه وريني كده
هند 
مفيش ياحماتي دي شوية فاكهة امي بعتاهم للعيال بدال ما ابنك حرامهم ببخله ومش بيرضي يجيب لهم حاجة ابدا
الحما 
يانهارك اسود يعني قصدك تقولي أن ابني حارمك انتي وعيالك عشان كده بتروحي تشحتي من امك انتي اټجننتي يابت عايزة تفضحي ابني في البيوت
هند 
افضحة ليه ولا بڤضحة ولا حاجة ولا اصلا عمري اشتكيت وراضية بالهم وساكتة لولا امي هي اللي شايفه بعنيها حالتي واللي انا فيه بس
الحما 
بقا كده هند رايحة تشتكي جوزك لأمك طيب ياهند لما جوزك يرجع بالسلامة بس انا هخليه يشوف له صرفه معاكي انتي وامك
بعدها رجع جوزها وامه قالت له مراتك ڤضحاك في بيت أهلها ومعرفاهم انك مش بتصرف عليها هي وعيالك وامها عماله تديها اشي في فاكهة واكل وحاجات وانت نايم على ودانك ياحسن
حسن 
ينهار اللي جابوها اسود انا هطين عشيتها هي وامها ازاى تروح عند امها وتجيب حاجات في البيت ليه هو انا حارمها ولا حارمها
وطلع حسن ونده وهو داخل البيت وقالت 
انت يابت ياهند انتي يابت
هند 
الله جرا ايه ياحسن مالك داخل من الباب وعمال يابت ياهند يابت في ايه ياخويا ولا هي امك سخنتك عليا وانت طالع بقا تطلعهم عليا
حسن 
يعني عارفه انك انتي عامله حاجة غلط وكمان مش همك بقا
هند 
ايه الغلط اللي انا عملته ياحسن ها ايه الغلط ده بقا انا كل الحكاية ان امي ادتني شوية فاكهة واكل للعيال عشان انت ياحبيبي مش بترضي تجيب لهم
حسن 
ماهو برضو ماينفعش تروحي تقولي لأمك اني مش باكلك ياهند هو ينفع الكلام ده بزمتك
هند 
ومين بس اللي قالك اني انا روحت اشتكيت والله دي هي اللي كان عندها اكل ياما وفاكهة وقالت لي خودي وانتي ماشية للعيال قامت امك قفشتني وانا جايه اعمل ايه بقا
حسن 
امممم طيب وفين بقا الفاكهة دي والاكل وريني كده جبتي ايه من عند امك الا انا راجع جعان اوي
هند 
ما أنا شايله لك منابك ياحبيبي هو انا وعيالك يعني كنا هنقدر ناكل من غيرك ياحسن تعالي ادخل غير هدومك وانا هعملك الأكل يلا ادخل
ودخل حسن واكل ومتكلمش مع هند في حاجة تاني يوم امه قالت له 
ها ياواد ضړبتها كسرتها عضمها طمني ولا انت زي خبيتها بقا
حسن 
ايه ياما الكلام ده وبعدين هي عملت ايه عشان اضړبها ولا اكسر عضمها يعني دي هند غلبانة انتي بس سبيها في حالها وملكيش دعوة بيها
الام 
بقا كده ياحسن بقا انا اخليني في حالي بقا دي اخرتها وده اللي باخده منك ماشي يابن بطني انت حر انت وهي وخليها تركبك كمان وكمان
حسن 
ياما انتي عايزة ايه بس انتي عايزاني أطلقها وارميها طب والعيال اعمل فيهم ايه
الام 
ايوه تطلقها وترميها وعيالك انت متكفل بيهم ولا اقولك ارميها بعيالها ياموكوس هو انت عارف تصرف عليهم خالص ده شغلك بيجيب لك السجاير بالعافيه
حسن 
حاضر ياما انا هطلقها عشان ترتاحي خلاص بقا سبيني دلوقتي
رجوع 
هند قالت 
ومن بعدها فضلت كل يوم تسلطة عليا وتسخنة من ناحيتي لحد لما طلقني ورامني
بالعيال وانا من الوقت ده وانا قاعده عند