دفعت الثمن بقلم صفاء

نهلة إللى قټلت أمك وحرمتني منها بدل ما ټنتقم منها ...

مازن طبعا انتقمت

من روحي من حبيبتي

انتقمت منها ومش صدقتها بس دلوقتي لا ..

الأب طب خد المفاجأة الاستاذة اللى انت زعلان علشانها اتجوزت ..

مازن نعم اتجوزت مين 

الأب أكيد أمها نهلة وقعت ليه عريس معاه فلوس قبل ما تسجنها وجوزتها ليه

يا ابنى البت زى امها دى إبتزتني وكتبت الفيلا وفلوس بإسمها مقابل انها تبعد حنان عنك لو معملتش كدة هتقتلك لأنها معندهاش إستعداد بنتها تكون معاك وانا خۏفت عليك وطلقتها وصفيت كل حاجة وجيت هنا وكان لازم اجيبك هنا ....

مازن أنا مش فاهم حاجة بس أكيد دا كله من ألاعيب نهلة و حنان ملهاش ذنب ...

الأب بس دى أمها وزرعت السم جواها وعلشان كدة طردتك من المستشفي انساها يا ابني حتي لو مالهاش ذنب بس أمها الحيه كانت السبب في اڼتحار أمك خدعتني واتجوزتها في السر علشان انا راجل وليا متطلبات راحت عرفتها واڼتحرت وكدبت عليا وقالت أنها جالها اڼهيار عصبي من الألم وقضت علي حياتها لأن أمك مريضة سړطان عظام مسك جسمها من سنين ومقدرتش تتخلص منه ..

مازن يعنى أمى مش مريضة اېدز ..

الأب لأ طبعا بس هي بردو السبب لأنها حقنتها بخلايا سړطانية منشطة وجسم أمك استقبالها

مازن طب ليه سبتها وإتخليت عنها وليه دايما كانت متعصبة وتبعدني عنها ...

الأب علشان الإشعاع بالليزر كان خطړ عليك وكانت بتاخد جلسة كل أسبوع .

مازن وأنت دايما كنت بتتخانق معاها

الأب لأني كنت وصلت لمرحلة الجنون مش قادر أقرب منها ولا قادر أعالجها أنا بحب أمك وهي كمان بتحبني لكن أنا ضعيف وأي راجل بيكره يشوف مراته ضعيفه بيزهق وتبدأ تخرج من قلبه...

مازن علشان حبك ضعيف أما أنا حبي قوي وهرجع عند حنان ...

الأب بقولك اتجوزت

مازن استحالة لأن هي لسة في شهور العدة يا بابا

الأب مش زواجك كان مزيف

مازن ولو هي بردو استحالة تعملها اكيد لعبة من أمها بټنتقم علشان حنان سجنتيها

الأب اي ان كان مفيش رجوع يا مازن ملناش حاجة هناك مش تسبني يا ابنى في آخر ايام عمرى طب انا عندى رأي

مازن هو اي الحل

مدحت تكتب جواب ليها وتقول كل اللى جواك ومعاه تذكرة سفر ولو هي متمسكة بيك هتيجي لو لا يبقي فعلا اتتجوزت من ابن الست اللى عايشة معاها لأن في ناس سمعو

مازن يقطع حديثه انا مش فاهم حاجة سمعو اي

جاءت الحاجة ام نور مع ماهي

ماهي انتى تعرفى حنان من امتى وتقرب ليها

ام نور لا يا بنتى مش قريبتها بس بعتبرها زى بنتي وربنا عوضنى بيها عن البنت إللى مش رزقت بيها

ماهي ليه هو انتى مش عندك اولاد

ام نور لا انا عندى ولد واحد اسمه نور سافر بعد ما اتخرج وبعد كدة أستقر هناك واتجوز وكل شهر يبعت إللى فيها النصيب

ماهي طب اتعرفتى علي حنان امتى

ام نور من 3 سنين كنت جاية اخد المعاش وتعبت وهي كانت راجعة من جامعتها سندتنى الله يبارك فيها وروحتني علي البيت واتعرفت عليها وعرفت انها بتبيع منتجات مع دراستها واتفقت اشترى منها ومن يومها وكل أسبوع بتعدى عليا تنظف لي الشقة وتعمل اكل الاسبوع ليا لحد ما ابوها ماټ وانطردت من البيت وهى من وقتها بتقعد معايا ايه إللى حصل

ماهي وقعت في المحكمة بعد الحكم علي أمها بمؤبد وبعدها اكتشفنا انها حامل وهى رفضت الحمل والمشكلة أن في خطړ علي الجنين وعليها ارجوكى هديها وعرفيها حرام تعمل كدة في ابنها

ام نور حبيبتي مش تقلق عليها إن شاء الله هتكون بخير

وفعلا دخلت عليها وفضلت تحكى معاها وحنان حست بالأمان معها واستمرت اسبوع وبعد كدة خرجت من المستشفى ورجعت البيت

وبعد فترة كانت حنان كملت شهرين

وشافت ام نور وهى حزينة بعد ما قفلت مع ابنها

حنان مالك يا أمى زعلان ليه مش هو بخير

ام نور اه الحمد الله بس اشتاقت ليه كتير ومش عارفة أكلمه الخطوط مكلفة وبيقفل بسرعة

حنان طب اي رايك إللى يخليك تكلميه وهتشوفيه كمان

ام نور بجد هو ينفع ازاى

حنان بكرة لم يكلمك ممكن تديهولي وانا اقوله ازاى

ام نور مش فاهمة اوعى تسفرينا عنده انا مش هاسيب بلدى

حنان هههه لا يا امى بالفيديو علي النت انا النهاردة أخرج اشترك في وصلة نت وأجيب كاميرا ونركبها وناخد الايميل بتاعه وتكلميه

ام نور والبتاع ده يخلينا نعرف نتكلم ونشوف بعض من

غير تكلفة

حنان اه يا أمى

ام نور طب يالا بينا

وفعلا تجهز كل حاجة

تاني يوم يتصل الابن في نفس المعياد

حنان الو

نور الو مين معايا

حنان انا حنان يا استاذ نور إللى قاعدة مع والدة حضرتك

نور اه أهلا وسهلا هي بخير

حنان اه انا بس كنت عندى فكرة وحبيت اقولك عليها

نور اتفضلي خير

حنان لو حضرتك عندك ايميل ممكن تديه ليا واخلي ماما تكلمك فيديو كدة هنوفر وتقدر كمان تشوف حضرتك

نور أخ فكرة حلوة جدا ازاى راحت مني مش عارف أشكرك ازاى

حنان طب حضرتك الاسم اي

نور البيومي

حنان عربي والا انجليزى

نور إنجليزية

حنان تمام شكرا حضرتك هتكون قاعد عليه

نور ممكن ساعة كدة وانتى إيميلك

حنان بحزن حنان أحمد السيد هو جديد فتحته مخصوص امبارح اه عربي

نور تمام وشكرا جدا أمى من يوم ما دخلتى حياتها وهى حبت الحياة ودايما تحكى عنك

حنان ام حضرتك إنسانى عظيمة ولو قدرت تنزل ليها كل فترة هتكون احسن الام والاب مش بيتعوضو ولو راحوا الندم بيكون عميق اسفة مش اقصد ربنا يخليها ليك يارب

نور فاهم تقصدى اي وشكرا مرة تانية سلام

ام نور ايه بنتي قفلتي ليه

حنان هتتكلمى معاه صوت دلوقتي يا أمى هافتح الكمبيوتر واتاكد من الوصلات

ام نور تمام يا بنتى وانا هاعمل حاجة نشربها

حنان تسلمى يا ست الكل

وفعلا تبدأ تجهز كل حاجه وتفتح الفيس وتبحث عن الاسم وتبعت ليه صداقة وتجهز الكاميرا

بعد شوية يقبل الطلب ويوصل إشعار بالقبول ويبعت الرسالة وهي ترد

نور انا هتصل فيديو هي أمى جنبك

ترد حنان اه اتصل

وتروح حنان تنادى علي ام نور وتلبس الحجاب

حنان أمى تعالي ابن حضرتك بيتصل

ام نور بلهفة وشوق تجي حنان تضغط علي القبول ويبد يظهر الابن شاب في عمر 30 من العمر وهو يبتسم وتظهر قدامه حنان وعيونها الحزينة وبرائتها

الام حبيبي انا مش مصدقة نفسي انى شايفاك قدام عيونى وتبدأ تدمع وتلمس الشاشة بشوق

حنان تمسك منديل وتمسح دموع ام نور بحنان ورقة

يا أمى ليه كدة انتى عاوزة تخضيه

نور شاف حنان وحنيتها علي أمه رغم أن في ۏجع مدفون يمر الوقت وتتعود الام علي ابنها وتحس أنه معاها وهو كمان يوريها المكتب إللى بيشتغل فيه ويحرك اللاب توب ويفرجها علي الشوارع

والأم سعيدة جدا وينزل يفرجها علي عربيته

نور هي دى عربيتى يا أمى إللى كنت بكلمك وانا بسوق

ام نور اه يا ابنى بسم الله ماشاء الله ربنا يحفظك ويرزقك من وسعه

طول الطريق يتكلم هو وأمه وحنان تنسحب بهدوء علشان تديهم المساحة في الكلام

مازن سمعت ايه

الأب انا بعت ناس يسألوا عليها واتاكدت ان الحية نهلة اتسجنت